اقتباسات من كتاب دورة حياة اليونيكورن

«تذكر أن السعادة ليست حظًا ولا بختًا وإنما هي قدرة.. أبواب السعادة لا تفتح إلا من الداخل.. من داخل نفسك.. فالسعادة تجيئك من الطريقة التي تنظر بها إلى الدنيا ومن الطريقة التي تسلك بها سبيلك

‫«تلك السعادة التي تهديها غيرك ستجوب الطرقات يومًا وتعود إليك”

وأتباهى بنعمة ربنا عليك براحتك واتنطط وروح وتعالا واعمل كل اللي إنت عايزه وفكك من الناس السلبية المريضة اللي عايزينك تعيش في الضلمة عشان يداروا احساسهم بالعجز عن إنهم يعيشوا طبيعي زيك.

‫حتى لو كل اللي حواليك بيطالبوك تعيش في الضلمة وتداري وتخبي وتخاف فده مش معناه إنك غلط عشان لوحدك، المجتمع ده خد عالضلمة لحد ما بقت هي الطبيعي والناس اللي بتمارس حياتها في النور وبإيجابية هما اللي بقوا غلط.

‫متخليش حد يكتم صوت جواك أو فكرة أو رغبة، عيش واعمل اللي انت عايزه طالما حقوق ربنا وعباده محفوظة في تصرفاتك وطالما راضي عن نفسك وقادر تنام مرتاح

الوجع مش شيء طبيعي ومش لازم نعيش معاه، الوجع مرحلة ولازم تخلص، لازم نعديها ونعدل دفتنا لطريق تاني ونبتدي من جديد.

أسلم أمري لربنا وأثق في حكمته وأقول قدر الله وما شاء فعل وأفهم كويس إن كل حاجة خير من عنده وأقوم أعمل أي حاجة تفرحني حالا.

‫أقوم اجيب لُب وسوداني واتفرج على فيلم كوميدي وافكني من اللي حصل وزعلني، أشغل أي مسلسل كرتون، أتصل بحد ونخرج نتمشى عشان نقدر ننسى، أي حاجة المهم نحاول نطلع من حزننا.

‫احنا بشر

‫الحزن حق طبيعي لينا

‫المهم بس منطولش فيه ومنستسلمش.

طيب حصل حاجة زعلتني مثلا:

‫كل واحد وطريقته في مواجهة الزعل، اللي بياخد جنب واللي بيغضب واللي عنيها بتدمع واللي بتنهار في العياط بلا توقف.

‫خدوا وقتكم في الزعل وارتاحوا شوية، عشر دقايق، ربع ساعة، ساعتين، كل واحد واحتياجه.

‫ثم ماذا؟ ماذا بعد ما زعلت بطريقتي أوعيطت لحد ما نشفت…

‫كفاية نكد بقا!!!!

‫أقوم اعمل حاجة تفرحني واحط ورى ظهري واقول الحمد لله يا رب عوضني خير وصبرني

طب ما دام كلنا في الهوا سوا يبقى الحل ايه؟

‫الحل التجاهل.

‫دي حياتكم!

‫طالما مش بتعملوا حاجة مؤذية لنفسكم وغيركم ومرتاحين لقرارتكم اعملوها ودوسوا وادعوا ربنا يهديهم وحاولوا توصلوا معاهم لحل وسط اذا عندكم القدرة على ده او ده متاح أصلا.

اعملوا اللي إنتم عايزينه طالما مش بتضروا نفسكم ولا بتئذوا حد حواليكم.

مطعم شيك.

‫اشتري هدية لنفسي.

‫اشتري هدية لحد بحبه.

‫اجيب ورد .

‫و حاولوا متصرفوش كل فلوسكم مرة واحدة

‫وزعوها بحيث كل أسبوع او اتنين تعملوا حاجة تفرحكم

‫طيب اللي نفسه يسافر؟

‫لازم يخصص جزء ثابت من فلوسه شهريا يحوشه ويخطط لسفريته كويس عشان يقدر يستفيد بوقته وفلوسه بأكبر شكل ممكن.

‫- ٣ -

‫بعمل ايه بعد ما خدت بالي من النعم دي او فرحت نفسي بنفسي؟

‫انا عن نفسي بسجلها أونلاين قدام الناس عشان انقل عدوى السعادة وأدي أمثلة لغيري، تقريبا أخر تلات أربع مرات من التحدي كنت مقررة أوثق كل الأيام بصورة بشاركها يوميا من يومي.

أزور دار أيتام مرة وألعب مع الأطفال طول النهار، أروح دور مسنين مرة وأساعدهم وأضحكهم وأعمل فرق معاهم.

‫أعزم حد بحبه على حاجة ونقعد نتكلم.

‫و الأفكار في الحتة دي لا نهائية طبعا!

‫إيه كمان ممكن يسعدنا؟

‫الطبخ والعك في المطبخ ومشاركة العك ده مع الناس اللي بنحبها، خلق الذكريات بالأكل والطبخ والصحبة الحلوة.

‫الرسم والتلوين والأشغال اليدوية من أكتر الحاجات المبهجة اللي بتخلي الواحد مبسوط وباله رايق.

‫القراءة جنب إضاءة مناسبة لكتاب لامس حاجة فينا بتدينا هدوء حقيقي جوانا.

‫طيب لو معايا فلوس من مصروف او راتب ممكن أعمل إيه كمان؟

‫أخطط لخروجة حلوة.

‫سينما.

أتمشى عالكورنيش.

‫اروح اضرب شاورما.

‫اروح كورس اتعلَّم حاجة جديدة.

‫أحضر حفلة موسيقية.

‫أنزل أشتري كتاب جديد.

‫اتفق مع صحابي نتجمع كل فترة عند حد فيهم ونهيص ونغني ونلعب وناكل ونعمل حفلتنا الصغيرة الخاصة.

‫اتمشى في أي مول اتفرج عالناس والدنيا.

‫اتصل بصحابي وننزل ناكل من على عربية فول ونضحك ونتصور.

‫أشترك في جيم والعب رياضة.

‫أروح أنشطة خيرية أسعد غيري فيها.

اليونيكورن كان بادئ في الحياة بأسطورة عظيمة، إن قرنه فيه شفاء من الأمراض وإن له طريقة صيد معينة عن طريق جميلة عذراء لازم تستدرجه ليتم قتله وأخذ قرنه وبيعه للملوك وأغنياء البلاد.

‫و لأن اليونيكورن أساسا كائن أسطوري والإنسان كائن طماع فمكانش ينفع الإنسان يستسلم!

‫إزاي حلاقي قرن اليونيكورن وأبيعه ومفيش يونيكورن موجود على وجه الأرض من أساسه!

فقرة ال Morning text اليومية في حياتي، كل ده كنت بحاول أطبقه في دايرة ال٢٠٠ شخص اللي عندي عالفيسبوك والكام حد اللي أعرفهم في حياتي اللي بفضل الله وكرمه وأنا بكتب الكلمات دي عدوا ال١١٠ ألف متابع وصديق وصديقة!

‫ومش حتستغربوا لو قلتلكم إني بيجيلي عشرات الرسايل أسبوعيا من ناس بتدعيلي وتقولي كلام حلو كتير قوي أنا يمكن فعلا مستاهلش نصه لكن زي ما تقولوا كده الدنيا دوارة وزي ما بتدي زي ما بتاخد لو كنت فعلا مش مستني أي مقابل

تذكر أن الدين الحق لا يناقض العلم.. لأن الدين الحق هو منتهى العلم”.

‫د. مصطفى محمود

‫من كتاب الخروج من التابوت

‫طيب أنا عايزة أعيش شخص إيجابي مؤثر له بصمة، شخص بيفرق مع الناس ويرسم البسمة على وشهم، أنا محتاجة أغير في نفسي حاجات كتير قوي لو عايزة أبقى شخص إيجابي بجد، محتاجة أغير حاجات في البيئة المحيطة بي

أنا من الأطفال اللي حضروا حزن العالم على الأميرة ديانا وحزنوا بدورهم هما كمان.

‫كنت صغيرة مش فاهمة في الدنيا أي حاجة، لكن اللي قدرت أفهمه وقتها إن فيه واحدة عادية من الناس اللي شبههنا طيبة قوي اتجوزت أمير وبقت أميرة هي كمان وفضلت تعمل خير كتير وتساعد ناس كتير وكل يوم ناس أكتر وأكتر بيحبوها ويتعلقوا بيها ويدعولها على إختلاف عقائدهم وأديانهم!

‫العالم كله حبها تقريبا بلا مبالغة.

‫كطفلة عندها خمس ست سنين سنين كانت الليدي ديانا لافتة نظري جدًا!!

أنا من الأطفال اللي حضروا حزن العالم على الأميرة ديانا وحزنوا بدورهم هما كمان.

‫كنت صغيرة مش فاهمة في الدنيا أي حاجة، لكن اللي قدرت أفهمه وقتها إن فيه واحدة عادية من الناس اللي شبههنا طيبة قوي اتجوزت أمير وبقت أميرة هي كمان وفضلت تعمل خير كتير وتساعد ناس كتير وكل يوم ناس أكتر وأكتر بيحبوها ويتعلقوا بيها ويدعولها على إختلاف عقائدهم وأديانهم!

‫العالم كله حبها تقريبا بلا مبالغة.

‫كطفلة عندها خمس ست سنين سنين كانت الليدي ديانا لافتة نظري جدًا!!

أب وأم من جنسيتين مختلفتين، من طائفتين مختلفتين، من دماغين مختلفتين.

‫أم مصرية، سنية، ربة منزل

‫أب كويتي، شيعي، مخرج وكاتب معروف للكل مش معروف لبنته..

‫وأسرة كبيرة تكاد لا تعرف عنها أي شيء

إلى الحضن الذي حُرِمت منه سنين عمري

‫وليد

‫وأنا من وُلدت على يديه.

‫إلى سعادتي في هذه الدنيا

‫إلى حبيبي وزوجي وأبي وعائلتي

‫الكاتب والشاعر: وليد عبد المنعم

‫إليك أهدي هذا الكتاب.

‫الاستسلام بيضيع حاجات حلوة وفرص كتير من أيدينا وبيخلينا أسرى الضعف وكلام الناس وسيطرتهم على عقولنا وتصرفاتنا.

‫قمت صليت ركعتين شكر لله ‫رغم إني كنت بنزف من جوه… ‫مش على الحب لا خالص ‫على عدم تقدير المعروف والتضحيات وعلى هوان المشاعر والمسؤوليات ‫دعيت ربنا يصبرني في مصيبتي ويعوضني عنها خير ‫قررت متكلمش في الموضوع مع حد

تصرف واعي وسليم👍👍