اقتباسات من كتاب صالح نفسك

العلماء بيقولوا لك إن صيغة المبالغة في (غفور) و(غفار) معناها إنه سبحانه وتعالى بيغفر الذنوب الكبيرة والكتيرة، يعني الضخمة كمًّا وكيفًا، يبقى قلقان من إيه؟

صاحبي نفسك وطبطبي عليها وسانديها، وافهمي منها إيه اللي يريحها ويناسبها، ومالكيش دعوة برأي حد، أرجوكِ صالحي نفسك.

‫ صدقيني يابنتي، الغلط مش إنك تكوني لوحدك، الغلط إنك تكوني في علاقة تخليكي تتمني تكوني لوحدك،

‫ أكتر حاجة بتعذب الإنسان في وقتنا الحالي، وبتحرمه من أي استمتاع بأي حاجة في حياته مهما كانت حلوة، مش الظروف، ولا الناس، ولا الجو، ولا الزمن، ولا البلد، إطلاقًا، أكتر حاجة تفسد على البني آدم حياته هي نفسه، اللي مش عارف يريحها ولا يرتاح معاها إزاي، واللي مافيش حد علّمه حقها عليه، ولا الطريقة الصح اللي المفروض يعاملها بيها.

❞ الرسالة والغاية والهدف في الحياة مش هيوصلوك بالإيميل، اسمح لنفسك إنك تنزل ملعب الحياة عشان تكتشفهم، مكان ما ربنا يحطك اتعلم وافهم، اطلع من كل تجربة اتحطيت فيها بحاجة، اسمح للدنيا إنها تعلمك عن نفسك باستمرار، واقبل أي جديد، وبلاش ❞ تستسلم لمبدأ (اللي نعرفه أحسن من اللي مانعرفوش)، لغاية ما يحين الوقت وتفهم أخيرًا أنت ممكن تكون مفيد ونافع ومؤثر في الدنيا دي من أي طريق. ❝

‏

في مقولة بتقول: «رُبّ معصية أورثت ذلا وانكسارًا خير من طاعة أورثت عزًا واستكبارًا»، يعني ماتزعلش أوي لو كنت صاحب ذنب؛ لأنه ممكن يكون هو سبب قربك ولجوءك لربك باستمرار، لدرجة ممكن تكون بيها أقرب وأحسن من أصحاب طاعات كتير