اقتباسات من كتاب الخروج عن النص من جديد

لحظة ما تدوق طعم حلو.. وتغرق فيه.. وتنسى نفسك..

‫ لحظة ما تشم ريحة حلوة.. وتطير معاها.. فوق.. فوق..

‫ زي ما الأفراد ليهم تاريخ من النمو النفسي.. وأشكال من التثبيت والنّكوص عند درجات مُختلفة من سلم النضج الإنساني.. المجموعات كده.. والمُجتمعات كده.. والشعوب والأمم كده.. في علاقتهم بنفسهم، وبغيرهم.. وبربنا..

فيه احتياج عام عند البشر جميعًا اسمه «الحاجة إلى الشوفان» (Need to be mirrored)، يعني إنك تحس من الآخرين اللي حواليك إنك متشاف. إنك موجود. إنك مُهم. إن وجودك ليه معنى وقيمة وتأثير عند الآخرين. كلنا مولودين بهذا الاحتياج.....

ولو كان الحل.. هو أن أزين كلامي.. وأزيف نفسي.. فده السجن.. اللي مش هينفع أتسجن فيه أبدًا..

‫ «جو» شاف وحس وسمع كل الرسايل المؤذية اللي وصلت «٢٢» من ناس كتير جدًّا الرسايل اللي غرست ورسخت فيها إنها «مش كفاية»: «انتي دايمًا قراراتك خاطئة». «إنتي متسرعة». «انتي هتفشلي في حياتك». «إنتي أنانية». «ماحدش هيحب يعيش

خليك عارف دايمًا إن قبول الخطأ صواب.. وقبول الضعف قوة.. وقبول الفشل نجاح.. يعني تقبل نفسك كلها على بعضها بكل ما فيها، وبكل ما سيكون فيها..

مش من حق أي حد يحددلك اختياراتك.. ولا ياخد قراراتك بالنيابة عنك.. ولا يخليك تشوف بعينيه أو تسمع بودانه أو تبقى مشروعه الاستثماري الرابح.. أو تحقق حلم حياته اللي ما حققهوش..

⁠‫أنت كائن مستقل بذاتك.. حر.. ومختار.. ومسئول..

روشتة «استحقاق النفس»..

⁠‫R/ أنا مش ربنا، أنا بشر باغلط وباضعف وبافشل.

⁠‫R/ أنا أستاهل أتحب وأُتقبل و أُحترم من غير شروط.

⁠‫R/ كل يوم فرصة جديدة وأمل جديد.

⁠‫R/ مش هاكون غير نفسي ومش هافصَّل نفسي على مقاس حد.

⁠‫R/ هاستبدل «أنا مذنب» بـ

أعتقد إن أعظم حاجة ممكن تحصل جواك لما يزيد سنك ووعيك وتجاربك.. هي إنك تتحرر من سجونك العتيقة الخفية، واحد ورا التاني..

الكتاب جمييييل جداً

واللغة المصرية العامية زادته جمالاً 💕

الكتاب خفيف وعميق وممتع جداً

الدكتور محمد طه رائع 👏🏻

‫نصف حياة.

‫ اسأل نفسك السؤال ده: هو أنا بعمل علاقة مع اللي قدامي كله ولَّا مع جزء منه فقط؟ يعني باعمل علاقة مع الجزء الطيب فيه بس؟ باقبله. وبحبه. وباقي أجزاء نفسه وتفاصيل شخصيته مش قابلها؟ أو باعمل علاقةمع الجزء السيئ بس؟ ❝

❞ لما تكون شايف اللي بتحبها على إنها ملاك نازل من السما. وما فيهاش غلطة. وإنها أميرة الأميرات، وساحرة الساحرات، وأسطورة الأساطير. ومش شايف (أو مش عاوز تشوف) إنها بتغلط، وبتقصر، وإن جمالها نسبي، وإن كلامها مش كله عسل وسكر، وإنه ساعات بيبقى علقم ومر.. وحركاتها وتصرفاتها مش كلها سحر وإبهار.. وإنها ساعات تكون مُندفعة، وساعات جبانة، وساعات محتارة.. يبقى إنت كده عامل معاها علاقة جزئية.. مع الجزء ده منها بس.. وسايب الباقي.. أو ساعات.. مطنشه..

والعكس بالعكس. يعني لما تكون مش شايف من حد في دايرة علاقاتك، غير إنه أناني وطمّاع وقاسي ومهمل و. و… ومش عاوز تشوف ولا تقبل إنه ممكن يكون ضعيف ومتلخبط ومليان غُلب ووجع واحتياج. يبقى إنت برضه عامل معاه علاقة جزئية..

#الخروج_عن_النص_من_جديد

#محمد_طه

حياتنا مليانة نصوص مُكرّرة وسيناريوهات محفوظة..

⁠‫من أول نص الأب والأم.. بِتاع اسمع الكلام.. وما تعليش صوتك.. وما تقولش لأ.. وما تزعلنيش علشان تبقى شاطر.. واشرب اللبن علشان تدخل الجنّة..

والأمل دايمًا محتاج حاجتين: إنك تصدّق إحساسك.. وإنك تكون مُستعد للمخاطرة.. علشان الأمل مُخاطرة..

تنسى تشوف الموجود.. أملًا في المفقود..

‫ تنسى تدوق وتستطعم.. لأنك مستعجل في النهم..

‫ تنسى تحيا.. وانت عايش..

إذا كان فيه دواء شافي لكل الأمراض النفسية.. من القلق وحتى الجنون.. فهو حُب خالص من القلب..

فيه بعض الناس بتستلذ بتعذيب نفسها.. وجلد ذاتها.. ناس بتعمل دماغ من الألم.. وبتستعذب الوجع.. دُول بكل بساطة.. بينتقموا من نفسهم.. أو بينتقموا من غيرهم في نفسهم..

‫ بيبقى ناجح جدًّا. وذكي جدًّا. وشاطر ومبدع جدًّا. ويختار أصعب فتاة على وجه الأرض. يختار اللي تطلّع عينه وتكفّر سيئاته. يختار اللي تحيره وتلخبطه وتتوهه. مش بس كده. ده بيختار إنه يكمّل معاها بالرغم من شكواه المستمرة منها كل

محتاجين، وبكل شجاعة ومخاطرة، إننا نخرج عن النص.. ونبدأ في كتابة نص جديد.. خاص بنا.. نستخدم فيه أدواتنا نحن.. وأقلامنا نحن.. وأوراقنا نحن..

⁠‫نص فيه مساحات جديدة للتجربة.. وفرص أخرى للصواب والخطأ..

⁠‫نص يخرج عن لغة (اللازم) والـ(مفروض).. ويعترف بلغة (أنا

نص يخرج عن لغة (اللازم) والـ(مفروض).. ويعترف بلغة (أنا محتاج).. (أنا قررت)..

ودول يسلِّموك سيناريوهات ونصوص حياتية مُعدة مسبقًا.. وجاهزة للتنفيذ فورًا..