اقتباسات من كتاب الخروج عن النص من جديد

لحظة ما تدوق طعم حلو.. وتغرق فيه.. وتنسى نفسك..

‫ لحظة ما تشم ريحة حلوة.. وتطير معاها.. فوق.. فوق..

ماتطّمنش له إنه يقرّب. من حقك تسمح لحد إنه يقرب أكتر، وتفتحله الباب. ويدخل البيت. ومن حقك تُحط سور فاصل وسِياج منيع يفصل بينك وبين حد تاني. ‫ حتى جوّه بيتك النفسي. فيه ناس بتقعدهم في الصّالة أو الأنتريه. وفيه ناس بتعزمهم على الأكل وتدخلهم أُوضة السُّفرة. وفيه ناس بتسمحلهم يتحركوا في البيت براحتهم، وكأنّهم أصحاب مكان. ‫ ليه بقى ده كله؟؟ ‫ علشان فيه ناس هوايتها الاقتحام. اقتحام الآخرين. يقرّب منك. ويقرّب أكتر. ويلاقيك فاتح حدودك. فيدخل. ويتجوّل. ويحسّ إنّ المكان مكانه، فيقعد. ويبدأ في استهلاك مشاعرك، فيخليك تحزن مكانه، وتتألم بداله، وتشيل همومه بالنيابة عنه. وبعدين يبدأ في

كل واحد فينا بيتولد وجواه احتياجات نفسية بسيطة جدًّا..

‫ احتياج إنك تتقبل.. إنك تتحب.. إنك يُهتَم بيك.. إنك تُحترم.. إنك تتشاف.. إنك تتحس.. إنك تتقدّر.. إنك تقول لأ.. وغيرها..

تبدأ لحظة التغيير الحقيقية بإنك ترى الجانب الآخر من نفسك. الجانب المظلم. اللي ما كنتش بتسمح لنفسك قبل كده إنك تشوفه. وحتى لو شوفته. كنت بتلتمس لنفسك الأعذار والمبررات والحيل الدفاعية النفسية. هتكتشف وقتها إنك زي ما اتظلمت زمان، بتظلم

‫نصف حياة.

‫ اسأل نفسك السؤال ده: هو أنا بعمل علاقة مع اللي قدامي كله ولَّا مع جزء منه فقط؟ يعني باعمل علاقة مع الجزء الطيب فيه بس؟ باقبله. وبحبه. وباقي أجزاء نفسه وتفاصيل شخصيته مش قابلها؟ أو باعمل علاقةمع الجزء السيئ بس؟ ❝

❞ لما تكون شايف اللي بتحبها على إنها ملاك نازل من السما. وما فيهاش غلطة. وإنها أميرة الأميرات، وساحرة الساحرات، وأسطورة الأساطير. ومش شايف (أو مش عاوز تشوف) إنها بتغلط، وبتقصر، وإن جمالها نسبي، وإن كلامها مش كله عسل وسكر، وإنه ساعات بيبقى علقم ومر.. وحركاتها وتصرفاتها مش كلها سحر وإبهار.. وإنها ساعات تكون مُندفعة، وساعات جبانة، وساعات محتارة.. يبقى إنت كده عامل معاها علاقة جزئية.. مع الجزء ده منها بس.. وسايب الباقي.. أو ساعات.. مطنشه..

والعكس بالعكس. يعني لما تكون مش شايف من حد في دايرة علاقاتك، غير إنه أناني وطمّاع وقاسي ومهمل و. و… ومش عاوز تشوف ولا تقبل إنه ممكن يكون ضعيف ومتلخبط ومليان غُلب ووجع واحتياج. يبقى إنت برضه عامل معاه علاقة جزئية..

#الخروج_عن_النص_من_جديد

#محمد_طه

فيه احتياج عام عند البشر جميعًا اسمه «الحاجة إلى الشوفان» (Need to be mirrored)، يعني إنك تحس من الآخرين اللي حواليك إنك متشاف. إنك موجود. إنك مُهم. إن وجودك ليه معنى وقيمة وتأثير عند الآخرين. كلنا مولودين بهذا الاحتياج.....

‫ زي ما الأفراد ليهم تاريخ من النمو النفسي.. وأشكال من التثبيت والنّكوص عند درجات مُختلفة من سلم النضج الإنساني.. المجموعات كده.. والمُجتمعات كده.. والشعوب والأمم كده.. في علاقتهم بنفسهم، وبغيرهم.. وبربنا..

ولو كان الحل.. هو أن أزين كلامي.. وأزيف نفسي.. فده السجن.. اللي مش هينفع أتسجن فيه أبدًا..

من حقك تحدد مين.. هيكون فين.. إمتى..

‫ مهم حدودك تبقى واضحة.. وأرضك تبقى آمنة.. ومهم إنك تدافع عنها وتحميها.. ضد أي أذى من أي نوع..

‫ تحديد المسافة بينك وبين أي حد حق أصيل ليك.. زي ما هو حق أصيل لكل النّاس..

‫ بيتك النفسي ملكك.. مش ملك أي حد تاني.. حافظ عليه.. لأنه أمانة.. هيسألك عنها اللي سلمك عقد ملكيته المؤقتة يوم ما خلقك..

فيه ناس بقى.. ودُول أخطر من الجميع.. بيدَوِّبُوا الحدود.. ويزيلوا الفواصل.. لغاية ما تعرفش فين حدودك من حدودهم.. فين الخط الفاصل بينك وبينهم.. فين إنت وفين هُما.. تتوه جواهم أو يتوهوا جواك.. وماتعرفش اللي إنت حاسّه ده تبعك ولَّاتَبَعهُم.. واللي شايفه ده بعيونك ولَّا بعيونهم.. واللي جواك ده بتاعك واللّا اترمى فيك من عندهم.. تتلخبط.. تحتار.. وبعدين.. تضيع..

من حقك ماحدش يقرّب من حدودك النفسيّة بدون استئذان.. من حقك ماحدش يقتحمك.. أو يخترقك.. أو يستحوذ عليك.. تحت أي مُسمّى.. ولا تحت أي ادعاء..

وكتير من الأمراض النفسية اللي بتصيب الأولاد الصّغار والشباب في مُقتبل العمر بيكون وراها إن الأب والأم متصورين إن ابنهم أو بنتهم مشروع حياتهم (مش مشروع حياته)، وإنه لازم يحقق أحلامهم (مش أحلامه)، ويعمل اللي هما ماقدروش يعملوه (مش اللي هو عاوز يعمله)..

احتياج إنك تتقبل.. إنك تتحب.. إنك يُهتَم بيك.. إنك تُحترم.. إنك تتشاف.. إنك تتحس.. إنك تتقدّر.. إنك تقول لأ.. وغيرها..

‫ وبتكون الوظيفة الأساسية للأم والأب أثناء التربية هي تلبية الاحتياجات دي بشكل مُناسب وبقدر كافي.. علشان يحصل النمو النفسي السليم وتكتمل الصحة النفسية السوية..

‫ لكن في الحقيقة..مش ده اللي بيحصل دايمًا..

‫ الطفل بيكتشف -عادة- أثناء التربية إنه علشان تتم تلبية احتياجاته الأساسية لازم يكون فيه مُقابل.. يعني «اسمع الكلام علشان أحبك».. «اشرب اللبن علشان تبقى شاطر».. «ماتقولش لأ علشان ربنا يحبك».. ده غير رسايل كتير بتوصل بتصرفات وسلوكيات ونظرات (وساعات طبعًا إيدين ورجلين) الأب والأم.. فيتحول الحب إلى «حب مشروط» والقبول إلى «قبول مشروط» والاحترام إلى «احترام مشروط».. وهكذا.. كل حاجة بشروط.. كل حاجة بمقابل..

‫ يعمل إيه الطفل الغلبان بقى علشان يتحب ويتقبل ويتحسّ ويُهتم بيه؟!

‫ يعمل حاجة صعبة جدًّا..

‫ يضطر إنه يدفع التَّمن..

‫ يضطر إنه يرضى بالمُقابل..

‫ يضطر إنه ما يبقاش نفسه..

‫ يضطر يبقى زي ما هُما عاوزين..

‫ لأنّه.. ببساطة شديدة.. محتاج..

‫ يقرر الطفل في سن مُعينة (النّظريات والأبحاث بتقول حوالي خمس سنين) إنه يعمل عملية تجميل لنفسه.. آه عملية تجميل.. علشان يناسب الوضع المُحيط بيه.. يعني يعدّل نفسه ويظبطها على مقاس اللي حواليه.. عاوزينه مقاس ٣٧ يبقى ٣٧، عاوزينه مقاس ٣٩ يبقى ٣٩.. علشان يوصله منهم بعض الحب، وقليل من الاهتمام، ورُبما شيء من الاحترام والتقدير لإنسانيته واحتياجاته.

تنسى تشوف الموجود.. أملًا في المفقود..

❞ كانوا عاوزينك تبقى تقليدي.. عادي.. زيهم.. لا تسأل.. ولا تفكر.. ولا تحس..

⁠‫كانوا عاوزينك ما تخاطرش.. وتستسلم.. لكل ما هو زائف وهش وفارغ..

⁠‫كانوا بيغروك بنجاح مألوف.. وسِكة معروفة.. وحياة اعتيادية..

⁠‫والتمن كان تشويهك وتَخلّيك عن فطرتك وانسلاخك من جلدك.. فتخرج منك نفس ❝

كلام ومواقف وحركات وأفعال وردود أفعال آبائنا وأمهاتنا (والآخرين المهمين في حياتنا) معنا أثناء تربيتنا في الصغر.. بتتحول شوية شوية إلى أصوات داخلية تعيش معانا طول حياتنا في الكبر..

كلام ومواقف وحركات وأفعال وردود أفعال آبائنا وأمهاتنا (والآخرين المهمين في حياتنا) معنا أثناء تربيتنا في الصغر.. بتتحول شوية شوية إلى أصوات داخلية تعيش معانا طول حياتنا في الكبر..

❞ طرق انتهت صلاحيتها للسير.. خطط كانت تصلح حينما وضعت فقط.. واختيارات لا يوجد لك فيها أي اختيارات.. ❝

الحضن.. هو البديل اليومي المُتاح لعودتك داخل الرحم مرة أخرى (ودي رغبة موجودة عندنا كلنا).. لما كان الأمان والدفا والاحتواء والشبع موجودين بكل بساطة وبدون عناء ولا مشقة ولا تعب.. وجود دائم لا ينقطع..

الحضن.. هو البديل اليومي المُتاح لعودتك داخل الرحم مرة أخرى (ودي رغبة موجودة عندنا كلنا).. لما كان الأمان والدفا والاحتواء والشبع موجودين بكل بساطة وبدون عناء ولا مشقة ولا تعب.. وجود دائم لا ينقطع..