العمل من تأليف موريس لوبان من ترجمة خميلة الجندي.
طبعا العمل هنا من المفترض يكون ملحمي وهي مواجهة اللص النبيل الظريف مع المحقق الأشهر والأفضل في نظر الكثيرين لكن بشكل واضح ومتوقع كان التعادل هو النتيجة الوحيدة والمحسوبة ومحسومة من بداية العمل.
أصلا فكرة المواجهة بين الاثنين من الأفكار السينمائية جدا زي فكرة مواجهة بات مان لسوبر مان.
وخلونا نبدأ مع الغلاف كان حلو جدا وكلمة الظهر كانت خيالية وشاعرية وبصراحة تخليك متحمس للقراءة.
وتبدأ الأحداث في الرواية مع سرقة مكتب خشبي وظهور شقراء غامضة واختطاف شابة ورسالة استنجاد بالمحقق الانجليزي المشهور.
وتعالوا بعد كده نتكلم عن الأحداث والحبكة ونكتشف أن الرواية عبارة عن ثلاثة أحداث متفرقة أو ممكن تعتبرهم ٣ نوفيلات منفصلة لكنهم مرتبطين كلهم بشخصية أرسين لوبين وطبعا نلاحظ هنا تحيز الكاتب لشخص اللص الظريف لدرجة اني شكيت في كتير من الأحيان أن ظهور شارلوك هولمز ما هو إلا ضيف شرف في الأحداث.
لكن مع النوفيلا الثانية وظهور المحقق العبقري شارلوك بدأت الرواية في منعطف تاني.
معجبتنيش سطحية تقديم المحقق الشهير وكمان ظهور عدد كبير من مساعدين اللص الذكي على عكس مغامراته الأصلية.
وممكن هنا نتكلم عن الترجمة واللي كانت حلوة بصراح.
أما عن النهاية فكانت متوقعة بشكل ما وده مش عبقرية من العبد الفقير لله لكن عشان مكنش ينفع تكون نتيجة المواجهة غير التعادل ما بين البطلين.
يمكن معجبنيش في النهاية عدم تفسير حادثة الانتحار و
دوافعها.
في النهاية الرواية مسلية لا اكثر ولا اقل مش عبقرية مش ملحمية مش أقوى المغامرات المتوقعة من اللص النبيل ولا أفضل التحقيقات البوليسية وممكن نرشح العمل لكل عشاق الأعمال المترجمة والمغامرة والجريمة.
#أحمدمجدي
