مراجعات كتاب ملاذ: الصندوق الأسود للبنات

السلام عليكم

قرأت العينة لكنني لا استطيع تحميل الكتاب لاسباب تخص البرنامج... يبدو ان الكتاب قمة في الروعة.. الرجاء وضعه في قائمة الكتب المجانية

حكاية ٣ بنات 👩🏻👩🏼‍🦱👩🏻‍🦰 جمعهم " ملاذ " 🏡 مع دكتور نفسى 👨🏻‍⚕️ كان بيعالج " بشاير " واحدة من البنات زمان

حبيت تعمل مكان يبقى ملاذهم للفضفضة باللى جوا البال وتخليص النفس من اى تراكمات

من وقت للتانى بنحب نفضفض مع ناس منعرفهاش محتاجين اللى يسمعنا ومايصدرش احكام

وما ومايقفش لينا على النفس والقيل والقال

وده اللى حصل فى " ملاذ " الـ ٣ بنات حكوا حكايتهم بكل شفافية وارتياح لانهم عن بعض مختلفين مفيش رابط بينهم ولا حاجة تحكمهم

ومن شروط المكان انهم مايبقوش اصحاب لان من وجهة نظر دكتورهم ان القرب الزيادة بيعمل انهيار فى العلاقات بين الاصحاب وبيبقى فيه عشم مهبب بهباب 😄

👇🏻👇🏻👇🏻

❞ فالعلاقات الجميلة تكمن بإبقاء المسافات بين أصحابها.. أما حين يتم التقارب.. ستبدأ المشاكل.. إنها طبيعة البشر ❝

وبدات كل بنت من البنات تحكيلنا قصتها بإستسلام وبإرتياح والباقى بيسمع بمنتهى الانتباه

كل قصة كانت مختلفة فى عقدتها وده اللى ادى متعة للكتاب انك مش متبع ستايل واحد فى الحكايات

(بشاير وملاك ومهرة ) كل واحدة اتأذت من شىء ما

مختلفات فى الوجع وتأثيره وكمان من علاجه وفترة نقاهته.

📌 بشاير اكترهم وجع - مش بإيدها وده مش شىء يعيب علشان بدل الوجع يبقى الظلم من زوجين

والنهاية كانت كارثية بشكل رهيب 😭

📌 ملاك قصتها تصلح لفيلم خيال علمى 3D

فعلا خرجت برا الصندوق وكسروا الصندوق على اللى فيه 🙆🏼‍♀️ جننتنى وقولت اكيد فى ملعوب اتارى العلوم لعبت بالعقول 👨‍🔬

📌 اما مهرة فأخذتنى بقصتها لفيلم رعب مليان عفاريت 👻 وبما انى كنت بقراها بليل 🌙 خلتنى خايفة ابص فى اى مراية 🪞 فى البيت 🏡

او حتى اشوف لوحة 🎨 مرسومة 🖼 بس Merci à Dieu والله اتختمت حلو وحظها كان احسن من التانين 🤲🏻

بعد ما خلصت الحكايات وكنت عايزة اقول للدكتور فين باقى الجلسات شوفلنا كده ٣ بنات نحجزلهم الاسبوع الجاى ما احنا لازم نخلى الملاذ شغال وناخد خبرة من الحكايات 😁

تانى تجربة مع الكاتب … حبيت حكاياته وطريقة عرضه للقصص وناوية ابدا بقى فى مجموعته حالات نادرة 🤩🤩

#مكتبة_دنيا

#قراءات_٢٠٢٢

كما هو معتاد من الكاتب

مجموعة قصصية رائعة مثل المجموعة القصصية حالات نادرة التي كانت السبب في متابعة اعمال هذا الكاتب

مجموعة قصص متنوعة للتفاصيل أكتر قناتي في يوتيوب عالمي الأخضر

كتب مفضله