اقتباسات من كتاب لأ بطعم الفلامنكو

‫ الأمل في غير موضعه وَهْم..‏

‫ الأمل في غير توقيته حماقة..‏

‫ الأمل في غير جرعته.. قد يكون سامًّا.‏

طول مشوار حياتنا، بناخد قرارات مصيرية.. بعضها غلط.. وبعضها صحيح.. ‏بعضها مفيد.. وبعضها مؤذي.. بس دي مش نهاية المطاف.. ولا آخر الدنيا.. دايمًا فيه فرصة ‏للمراجعة.. ودايمًا فيه طريقة لإعادة النظر.. حتى لو كان ليها تمن.‏

وَتحْسبُ أنك جرمٌ صغيرٌ،

‫ وفيك انطوى العالمُ الأكبرُ.‏

‫ محتاج أرسم لنفسي حدود ماحدش يعديها.. طب أنا باعمل كــده فعلًا؟ ولّا باسيب اللي رايح ‏يئذي.. واللي جاي يجرح؟

❞ إحنا بنقبل نفسنا علشان نزكّيها ونطهّرها ‏ونعالجها ونغيّرها.⁠‫ ❝

‫ أول بقى ما تفهم ده. وتعرفه. وتتأكد منه. وأول ما يحس هذا السائق المتهور، والقائد الأرعن، إنك ‏سمعته، وصدقته، وتعاطفت معاه، وبطّلت تحكم عليه. هتحصل المفاجأة. اللي بتؤكد بكل دقة إن كل ‏ما هو داخلك. هو جزء لا يتجزأ من عائلتك النفسية.

اتشتغلش في بيتكم أي شغلانة غير شغلتك الأصلية.. وماتطلبش من أي حد في البيت يؤدي وظيفة ‏غير وظيفته.‏

⁠‫ابن يعني ابن وبس.. ابنة يعني ابنة وبس.. الكبار يتصرفوا مع بعض أو يجيبوا حد كبير يتصرف ‏معاهم.‏

❞ ومع العلم أيضًا.. إن أول وأهــم حــد تاخــد منه حقــك.. هو أنت شخصيًّا.. لأن أكتر حد ظلمك هو أنت..⁠‫وأكتر حد جه عليك هو أنت.. وأكتر حد بخسك حقوقك وأنكر عليك احتياجاتك هو برضه أنت.‏ ❝

❞ أنا عايزة أتجوز، بس خايفة لاحسن أضطر أضحي وأتنازل علشان أتحب وأتقبل.‏ ❝

❞ الخناقة دي بتخلينا نعمل حاجات صعبة جدًّا.⁠‫

⁠‫ممكن تخلينا نستسلم لعوزانات «طلبات ورغبات» الآخرين على حساب احتياجاتنا.. فنتنازل عن الاحترام ‏في مقابل رضا الطرف الآخر.. ونتنازل عن الاهتمام في مقابل عدم حدوث مشكلات.. ونتنازل عن ‏الحب في مقابل استمرار العلاقة رغم فشلها الواضح.⁠‫ ❝

❞ شُفت إنك زي ما عندك احتياجات من الناس.. عندك كمان احتياجات من نفسك؟ ❝

❞ أنا محتاجة أتصالح مع جسمي، علشان أحس بالأمان فيه.‏

⁠‫‏ أنا محتاجة أتصالح مع جسمي، علشان جسمي بدأ يتعب بسببي.‏

⁠‫‏ أنا محتاجة أتصالح مع جسمي، علشان هو الوحيد اللي مكمّل معايا لآخر يوم في عمري.‏

⁠‫‏ أنا محتاجة أتصالح مع جسمي، علشان ده بيتي.‏ ❝

❞ وإني أقبلك مش معناها إني موافق على اللي أنت بتعمله.. ❝

❞ مزيج متنوع ومُتغير من التباديل والتوافيق..

⁠‫لكن ماينفعش في أي حال من الأحوال إنك ‏تتأذّى أو تسمح بالأذى تحت أي بند.. ومن أي حد.‏

⁠‫راجع بقى كل العلاقات المهمة في حياتك..‏

⁠‫وأولها علاقتك بنفسك.‏ ❝

❞ لو تم إشباعها من اللي معاك بشكل كافي.. هتنمو وتنضج وتزدهر نفسيًّا.. هتحس بقيمتك وتحب ‏نفسك وتستمتع بحياتك.. ولو لم يتم إشباعها بالشكل المناسب.. هتِدْبل وتنطفي وتفقد جزء مهم «أو ‏أجزاء مهمة» من نفسك.. وهتفضل الاحتياجات دي موجودة جواك بشكل حاد وضاغط «مش طبيعي ‏ومعتدل»، وتطاردك طول عمرك كنقح الصديد من جرح غائر، أو كالأشباح المخيفة في الليالي المظلمة.⁠‫ ❝

❞ ش بس كده.. الاحتياجات دي كلها ماشية في اتجاهين.. بمعنى إنك زي ما أنت محتاج تتقبل.. محتاج ‏برضه تقبل.. زي ما أنت محتاج تتحب.. محتاج تحب.. زي ما أنت محتاج تقول «لأ».. محتاج أحيانًا ‏يتقال لك «لأ».. وهكذا.‏ ❝

❞ الاحتياجات دي موجودة عندنا كلنا، من أول ما نتولد لغاية ما نموت.. بس بتكون في صورة طفولية ‏وإحنا صغيريـن.. وفي صورة ناضجة وإحنا كبار.⁠‫ ❝

❞ إشباع كل احتياج من دول بيملا ثقب نفسي داخلنا.. وبيروي بذرة من بذور أنفسنا العطشى.. وبيقرب ‏المسافات بين جُزرنا المعزولة.. وبيساهم في تشييد بنائنا النفسي، وتكوين صورتنا الذاتية، وصَقْل ‏شخصيتنا الوليدة.. وبيكون هو حجر الأساس في شعورنا بالثقة والاستحقاق.⁠‫

⁠‫الثلاث حاجات دول.. هم اللي بيوصّلوك لـ«أنا أستاهل».. أستاهل أكون موجود.. ووجودي متشاف، ‏ومتقدّر، ومتطمن، ومتونّس.‏ ❝

❞ خليك عارف..‏

⁠‫إن البداية دايمًا من عندك.‏ ❝

❞ كل ده بيقول إيه؟

⁠‫بيقول إن وعيك مفتوح على العالم.. على الكون.. على الزمان والمكان.. بلا أي حدود.‏

⁠‫بيقول إن وعينا مفتوح على بعضه.. ومُتصل ببعضه.. ومتواصل مع بعضه.⁠‫

⁠‫بيقول إن روحك أوسع مما تتصور.‏

⁠‫احتمال روحك تكون ساكنة هذه الطبقة من طبقات وعيك..‏ ❝