اقتباسات من كتاب ريحة الحبايب

‫ساعات أشوف علامة

‫واموت من السكات

‫وساعات يوم القيامة

‫أحلم إنّى نبات

‫باقول مع السلامة

‫لاخواتى فى الغابات

‫ساعات ما افهمش حاجة

‫ما افهمش أى حاجة

‫وساعات أشعر بقوّة

‫واكسّر كلّ حاجة

‫وساعات يفلت عيارى

‫ما اعرفش آخد بتارى

وانكس الرايات

عمّى حسن

‫زارع بصل

‫جيت أشمه

‫كلته كله

‫عمّى حسن

‫زارع فلّ

‫ما تيجى نتبادل عياط بعياط

‫ونتبادل سكات بسكات

‫ونتبادل حروف بحروف

‫ما تيجى نلبس صوف ... ونعرق

‫ما تيجى ننزل فى حمّام السباحة

‫ونغرق

‫ما تيجى نلحق ...عمرنا المخطوف

باحبّك وانتى مكسوفة

‫باحبّك وانتى بتذاكرى

‫باحبّك وانتى حيرانة

‫باحبّك لما تتاخرى

‫باحبّك والميعاد وخرى

‫باحبّك أولى وآخرى

‫باحبّك زرع وسنابل

‫باحبّك يللا نتقابل

‫ونتكلم ونتألم

‫وأضمك جوّه أحضانى

‫مادمنا اتنين...خلاص حنعيش