كتاب الفيل الأزرق > مراجعات من الفيل الأزرق

الفيل الأزرق - أحمد مراد
تحميل الكتاب
الفيل الأزرق
تأليف (تأليف)
تحميل الكتاب
هل قرأت الكتاب؟
  • مراجعة جديدة
  • اقتباس جديد
  • قرأته
  • أقرؤه

    الى أين وصلت في القراءة؟

  • سأقرؤه

    هل بدأت بالقراءة؟نعم



مراجعات

كن أول من يراجع الكتاب

مراجعة جديدة
مراجعة جديدة
  • 5

    رواية تجنن بجد خيال علمي استمتعت بها لابعد الحدود فبعيدا عن الالفاظ الجنسيه اللي فيها الا انها من ارروع الروايات التي قراتها فلقد كنت اري احداث الروايه امام عيني من شسدة حبي لها كنت احلم بها في احلامي

    Facebook Twitter Link .
    4 يوافقون
    اضف تعليق
  • 5

    بجد مش قادر اكتب حاجة عن الرواية الفظيعة دي غير اننا لو كنا لسه في الجاهلية كانوا ممكن ينزلوا المعلقات ويعلقوا الفيل الازرق مكانها على استار الكعبة ................ ابدااااااااااع

    Facebook Twitter Link .
    4 يوافقون
    2 تعليقات
  • 3

    شىء مؤسف الحقيقة ان رواية تبتدى بالقوة و التماسك ده لحد ما بعد نصها بشوية وبعدين يتقلب الموضوع تماما وتبقى حبكة غريبة عجيبة خزعبلية!

    فى اول مرة قراية خلصت 250 صفحة بمنتهى الاستمتاع و كانت تستاهل اربع الى خمس نجوم ببساطة، وعشان كده اديتها 3 نجوم بدل 2 لانها فى النص التانى الحقيقة بقت اوكى مش اكتر...

    خلينى اقول الايجابيات فى الاول، احمد مراد كاتب واعد و ليه مستقبل لو فضل كده-حقيقة معروفة من ساعة تراب الماس-.. اولا عاجبنى اختياره للموضوعات الشيقة، حلو انك من وقت لاخر تقرا ثريلرز وتكون عربية، مش عندنا الموضوع ده كتير بما اننا اساتذة دراما وكوميديا فى الاساس، يمكن نفتقر لﻷكشن -رغم ان حياتنا فيها اكشن كتير- المهم ان مراد رائع فى السسبنس والاكشن ،بيخلى القارئ متحفز يكمل قراية عشان يعرف ايه اللى هيحصل بعد كده و ازاى الموضوع هيتطور .. حصلتلى فى ال3 روايات بتاعته، رغم انهم كبار نسبيا لكن بيخلصوا فى وقت قياسى من الحماسة...

    تانى حاجة بتعجبنى فى مراد هو انه بيطور نفسه و بيتحسن فى كل رواية جديدة عن الرواية اللى قبلها، صدمنى فى فيرتيجو ركاكة اللغة عند مراد لكن اتحسن كتير فى تراب الماس و اتحسن اكتر فى الفيل اﻷزرق، كان ليه جمل و توصيف رائع و ظريف و مكتوب بلغة سليمة وان كان فى حاجات واقعة بس قشطة مأثرتش على السياق العام...

    من اكبر مميزات مراد بقى هو المجهود الواضح والملحوظ فى رواياته و حرصه الشديييييييد على ان كل حاجة تكون واقعية تماما من اسماء الاماكن لردود فعل اﻷشخاص لﻷحداث لكل التفاصيل سواء ادوية مخدرات خمور تاريخ دكاترة عباسية 8 غرب كل حاجة..

    العبرة مش انك تطلع بأفكار مثيرة و غير تقليدية -حادثة القتل فى بار فيرتيجو، تراب الماس فى الرواية ، العباسية والعفاريت فى الفيل اﻷزرق- العبرة انك تقدر تكتب عنهم بواقعية وتحبك حواليهم قصة مثيرة و تتصدق، ﻷ حقيقى شابو لمراد على المجهود المبذول الواضح فى رواياته اللى واضح فيها انه درس وقرا كتير قبل ما يكتب احتراما لعقل القارئ بتاعه، شابو...

    بعد الرواية الثالثة لمراد، لقيت انه مش غريب اطلاقا ان صنع الله ابراهيم يشيد بيه فى فيرتيجو، تأثير صنع الله واضح تماما فى اسلوب مراد، طريقة الحكى التفصيلية هى نفس طريقة صنع الله، فيه تشابه واضح لكن مش تطابق اكيد، لاحظته بما انى بقرا فى نفس الوقت رواية "شرف" لصنع الله، استمتعت باﻷسلوب عند الكاتبين..

    كل مميزات مراد اللى ذكرتها كانت متجلية فى النص اﻷول من الرواية بس بدات تقل مع النص التانى لما لقيت الموضوع دخل فى عالم اخر مثير برضه لكن يبقى غيبى ومش مصدقاه اوى، كان نفسى يكمل الموضوع فى العباسية و التحليل النفسى و العقلى لمريضه ﻷن عالم العباسية نفسه عالم مثير وبدا لى مراد قادر تماما على كتابة قصة وحوار ذكى بين الطبيب والمريض ، لكن مراد احبطنى مع اﻷسف ومكملش فى الاتجاه ده و اخد منحى اخر...

    الرواية مادة غنية جدا لفيلم ينفع يكون فيلم رعب، المنتج الذكى يلحق يشترى الرواية بسرعة، نتمنى ميكونش المنتج الذكى ده هو السبكى...

    فى سلسلة اعمال مراد، تبقى "تراب الماس" هى اﻷفضل من حيث الفكرة و اﻷحداث والمجهود المبذول و اﻷكشن القوى اللى فيها ، ده يذكرنى انى لازم اكتب ريفيو عن تراب الماس..

    فى انتظار عمل احمد مراد القادم بمنتهى الحماس والترقب..

    Facebook Twitter Link .
    3 يوافقون
    2 تعليقات
  • 3

    أحمد مراد .. أدخل لروايتك دي من فين و لا من فين؟

    أولاً, التلات نجوم بس على التشويق (نوعاً ما) و خيالات الفيل الأزرق اللي عجبتني لكن غير كده .. Excuse me!

    (يلا بقلدك يا عم, كل شوية تكتبلي جملة إنجليزي في وسط الحوار .. اه و نسيت السمايلي فيس :) )

    بدأت الرواية (وإستمرت و إنتهت) كما توقعت حشو بالجنس من أول صفحة! أنا في مصطلحات مقدرتش أفهمها كنت مقضياها تخمين! الصراحة نص إيحاءاته و خيالاته الجنسية مفهمتش إيه دورها في الرواية؟ أنه يبان أنه شخص بايع القضية و مش فارق معاه حاجة؟ ممكن تبان من غير إيحاء كل صفحتين!

    أهنيه إنه إستخدم مصطلحات طبية و أعتقد من كلام ناس دكاترة أن دي نقطة تحسبله و إنه إستخدمها صح.

    بس أنا بأعتب عليه كان المفروض يعمل المرجع ده و هو بيقول أسامي الكحوليات و الخمور و الحشيش اللي إستخدمها. لأن واضح أن السنتين اللي فاتوا أحمد مراد مكنش بيدرس علم النفس و لا الطب النفسي .. كان بيدرس انواع الخمرة.

    طيب فهمنا مش كلنا عندنا زجاجة

    Meister في التلاجة!

    أحمد مراد شخصيته هنا كان مبالغ فيها جداً, و بعدين الأفورة ساعات مكنتش بتظبط صح معاه .. عايز تأفور ؟ أفور صح!

    اسمها: For God's Sake

    مش: For God Sake

    يلا يا عم .. روايتك الجاية إن شاء الله إستخدمها.

    وبعدين إيه حكايته مع ناشيونال جيوجرافيك, مش ماشية مع الراجل اللي بيشرب و مش بيسكر و (المفترض ) دكتور نفسي .. بغض النظر أن الموضوع هيقلب على عفاريت!

    عجبتني نقطة أن في وسط الكلام كتب جملة "تم حذف الإجابة لإحتوائها على تلميح جنسي) تلميح؟ يا راجل ده الرواية كلها تلميحات!

    و لا لما قال جملة "الفيلم الهندي المعاد الذي تشاهده للمرة الألف" ده اللي حسيته في حوار لبنى و يحيى.

    بس مش هأنكر أن الجزء التاني من الرواية و تطورات الأحداث مكنتش متوقعاها خالص! و عجبتني خيالات الفيل الأزرق رغم نفوري منها في بعض الأجزاء.

    بس من المفترض أنه بيقول أنه درس الطب النفسي سنتين و الكلام ده. إيه الداعي أنه يحول الموضوع من طب نفسي إلى مس و عفاريت و شيطان في الأخر. كان إكتفى بهلاوس الفيل الأزرق و إبتكر نهاية مناسبة.

    كأنه بيقول أن مفيش مرض نفسي أو عقلي حقيقي و لو وجد فوراه مس أو عفريت راكبه .. سحر يا مفتري!!

    النهاية أنا مستغرباها نوعاً ما أو مش فاهماها, هل معنى كده أن يحيى لبسه نفس "المس" اللي كان لابس شريف و لا إيه؟ عن طريق البنت اللي جاتله دي؟

    لو حد فهم يفهمني معاه!

    عموماً, هي تنفع فيلم مع بعض التظبيطات و يشيلوا كمية الجنس اللي فيها ده لأني مش هستحملها كتير, كل اللي عايزة أشوفه خيالات الفيل الأزرق هيعملوها إزاي ..

    Facebook Twitter Link .
    3 يوافقون
    اضف تعليق
  • 2

    نجمتان و نصف لم يطاوعنى قلبى لجبرها لثلاث فجبرتها لإثنتان

    المميزات التى اراها

    1-الرواية مشوقة لدرجة كبيرة لدرجة انى قضين 6 ساعات شبه متواصلة حتى انهيتها

    و لكنه و الحق يقال شوق إلى النهاية أكثر من الأحداث أو الإسلوب

    2- الرواية جدلية متشعبه اى انك كلما تتذكر تجد تفاصيل صغيرة ممكن جدا تفتح لك افاق لإحتمالات اخرى

    تعليقى على الرواية ببساطة

    1- كرهت كم التشبيهات المتفلسفة بالتأكيد هناك من أقنع أحمد مراد بأن قوة الرواية تقاس بكم التشبيهات و الإستعارات المكنية بها

    2- طبعا كرهت كم الألفاظ و الإيحاءات التى فى أحيان كثيرة لم يكن لها محل من الإعراب ربما غير تعود الكاتب علي إستعمالها

    3- كنت سأحترم الرواية اكثر كثيرا لو أنهم أستمر فى الخط النفسى و لم ينجرف إلى عالم الميتافيزيقا و السحر و العفريت

    باحس انها اشبه بتيمة الحلم(اللى برده احد الإحتمالات نظرا لإختفاء اّخر اقراص الفيل الأزرق) تلك التيمة التى تتخلص فيها من العقدة كلها دون ان تضطر لإيجاد حل منطقى قد يكون قد صعب عليك بعد تشابك الاحداث

    نقاط أراها ولا أجد لها حلا

    1- المفروض أن بسمة حملت من نائل و ليس شريف و رغم هذا بسمة أجهضت (عند الكشف على الجثة حمل أجهض بسبب العنف الزائد معها قبل وفاتها لو مفيش إجهاض التقرير المفروض يقول حمل لم يكتمل بوفاتها أو جنين ميت لكن نزيف و إجهاض؟؟!!!! ) بينما المفروض أن جنى النكاح ده يجعل البشرية تحمل حمل لا يجهض فهل معنى هذا ان بسمة حملت من شيريف و أن كل أفكاره عن الطفل الذى سيقتلها فى جميع الحالات فأستبقه هو خطأ

    2- سواء ست الدار أو بسمة كلتاهما أحست بحدوث شىء غريب نظرا لعنف الزوج و حالة السادية التى يكون فيها فى التعامل معها بينما نرى لبنى فى قمة سعادتها بعد عامين مع نائل كما يبدو

    أم أن هذا تأكيد على تيمة أن نائل أيضا يحب لبنى و فعل كل هذا لأجلها و لهذا هو مختلف معها عن غيرها

    3- شريف كان فى فترة تلبس نائل له يفيق لفترات قصيرة كل عدة ايام او كل يوم لهذا كان يشعر بالمشكلة و لكن هل تلبس نائل يحيى لمدة عامين دون أن يفيق مرة واحدة؟

    4- الوشم هو مايربط جنى النكاح بالزوج الوشم كان قد تم نزعه نزعا عن جسد بسمة فلم لم يتوقف الأمر أم أن الوشم يجلبه فقط ولا يفك السحر سوى قتل الكلب

    5 اظن أنه كان هناك رابط ما بين نائل و يحيى من البداية و قبل كل شىء (ربما مس فقط و ليس تلبس كامل ) كلام مايا عندما قالت له انت مش طبيعى

    المريض الذى كان يراه و يكلمه و هو متوفى و الكلب الأسود الذى كان يظهر له و يزوره

    Facebook Twitter Link .
    3 يوافقون
    1 تعليقات
  • 5

    مبدأيا الرواية تستحق النقد فى حاجات وتستحق التبجيل فى حاجات

    انا لحد نصها تقريبا..مكنتش فاهم الناس ال بتنتقد..بتفكر ازاى!!

    الرواية فيها فرد زيادة فى اجزاء مش مستاهلة

    شوفناها فى العالم التانى ال هو راحه..وصفه لكل حاجة بيشوفها بتفاصيلها المملة..بصراحة كنت بقلب من على التفاصيل دى

    فى حاجات اتقالت فى لفظ الجلاالة فى الاخر حتى لو ع لسان شيطان..بس شايفها مكنتش هتنقص كتير من الرواية لو متقالتش

    خيال الرواية واااسع جدااا

    السحر والتعاويذ بقت موضة قديمة فى الافلاام اصلااا

    ______

    من الحاجات ال عجبتنى جداا

    مجهوده الخرافى فى انتاج رواية بالمنظر ده

    تخيل معايا..ان كل مصطلح طبى وكل

    caseكان بيشرحها

    صح مية بالمية طبيا

    كل معلومة قالها عن الخمور والحاجات ال قالها صح مية بالمية

    بتاثيراتهم..وان كانت مش هتفيد اغلبنا كتير

    القميص فعلاا اتسرق من المتحف فى ايام الانفلاات الامنى..معلومة صحيحة

    صورة الغلااف حتى..متصورة جوة مستشفى العباسية فعلااا

    معلوماته الجنائية جوه الرواية..كلها صحيحة

    التشويق ال فيهاكعادة احمد مراد..خرافى

    تصوير المشاهد فظيع بصرااحة

    "النهاية"

    النهاية ضايقت ناس كتير

    انا شايف ان النهاية دى احسن بكتير من نهاية دراماتيكية تقليدية

    نهاية مفتوحة

    اه مش هتبقى فااهم..واعتقد احمد مراد نفسه مش فاهم

    بس كنوع من الخيال

    الرواية دى لو قريتها مية مرة...كل مرة هتلاقى طريقة ممكن تتفهم بيها

    من اجمل التعليقات ال قريتها ع الرواية دى

    خلاصة رواية الفيل الازرق :

    أحمد مراد يخرج من ثوب ( فيرتيجو ) و ( تراب الماس ) بنجــــاح

    Facebook Twitter Link .
    3 يوافقون
    اضف تعليق
  • 4

    طيب. أي نعَم قعدت ييجي أسبوع عشان أخلص أول 140 صفحة، لكن الباقي كله خلص في ساعتين بالظبط!

    بإختصار، أحمد مراد بيفهم، بيشوف الغلطات اللي عملها قبل كده، ومبيكررهاش. في فيرتيجو كانت اللغة ضعيفة جدًا. والحوارات كتير. ظبّط الموضوع ده في تراب الماس.. في فيرتيجو وتراب الماس الناس إفتكرت إنه حصر نفسه في فكرة الشاب اللي بيحارب الفساد السياسي، واشتكت من كمية الهزار المبالغ فيه. هنا أحمد مراد عمَل حاجة تانية خالص بعيد عن كل ده!

    رواية مُبهرة بصراحة. سعيد إن في كاتب مصري قِدِر يوصل للمرحلة دي. مرحلة كتابة رواية مُشوقّة، بجد، رواية لا تعتمد على الحبكة اللي لو عرفتها بدري شوية يبقى ضاعت عليك الرواية.. رواية تُمثّل عالم كامل، مشروح فيها الشخصيات بشكل مُتقَن ومبهر جدًا، مش زي أجاثا كريستي أو المغامرون الخمسة. لأ. عالم كامل بما تعنيه الكلمة. حاجة كده زي دان براون!

    فيه برضه بعض الحاجات اللي ضايقتني، زي الفلسفة المبالغ فيها، وشرح كتير لكلمات ملهاش لازمة. لكن برضه لا تؤثر في جودة الرواية بالنسبة لي.

    سعيد جدًا بالرواية وعارف إن لسه الكاتب في جعبته أكتر من كده، الشيء اللي مضايقني بقه.. إن الرواية هتتحول لفيلم سينيمائي، وبطولة كريم عبد العزيز، أعتقد إن الرواية دي بالذات لو إتحولت لفيلم هتكون فيها بعض السذاجة (بالذات في الربع الأخير منها)، شِد حيلك يا مروان حامد.

    Facebook Twitter Link .
    3 يوافقون
    1 تعليقات
  • 1

    صدمتني الرواية منذ الصفحة الأولى، بمعنى أن "المحتوى واضح من العنوان" و مع ذلك تقدمت في القراءة حتى لا أحكم من بضع جمل. لكن البقية كانت على نفس المستوى من الوقاحة و السماجة و السطحية. أسلوب مقرف، و متكلف في القرف. واضح أن المؤلف بذل جهدا كبيرا حتى يكون الخيط الأحمر الذي فصّل على أساسه الرواية حاضرا في كل فكرة و كل جملة و يمكن تلخيصه كالتالي : كحول ـ جنس ـ حشيش ـ قمار ـ مخدرات ـ تقيؤ ـ تبول لاإرادي ـ شعوذةـ هلوسة. مع العلم أن كمية الكحول أكبر بكثير من أي فكرة أخرى بحيث كادت تغرق الرواية و تفوح رائحتها القذرة منها

    باختصار، النجمة الوحيدة أمنحها لعامل التشويق الذي ظل حاضرا على امتداد الأحداث، مع أن الكلام الفراغ يفيض من الصفحات فيضانا

    Facebook Twitter Link .
    3 يوافقون
    2 تعليقات
  • 4

    الفن من أجل الفن يا سادة يا كرام ،،

    لا يهمني أن الكاتب أقر بوجود السحر وأن السحر لا يُفل إلا بالسحر ،، ولم ألتف إلى الأخطاء الطبية التي وقع فيها ولن أدع تلك النهاية السخيفة تفسد عليا متعتي بقراءة هذه الرواية

    بالنسبة لي تنتهي الرواية عند صفحة رقم 380 ،، استمتعت جدًا بشخصية يحيى وتقعيداتها والأسئلة التي تركتها في ذهني ،، 380 صفحة لم أمل من قراءة الرواية وكأنني أشاهد فيلمًا سينمائيًا مشوقًا

    أعود وأكرر أن الفن لا بد أن يكون من أجل الفن ،، أن تقرأ رواية ممتعة بلا فلسفة وحذلقة لا لزوم لها

    Facebook Twitter Link .
    3 يوافقون
    1 تعليقات
  • 5

    برغم كل اللى قريته فى حياتى

    مقرتش زى الروايه دى :)

    حاجه كده تشدك من اول صفحتين لحد اخر سطر فيها

    وتسيبك بقا وانت مش عارف انت خايف ولا مبسوط ولا ايه بالظبط

    بس احلى حاجه انك بعد ما تخلصها هتفضل تفكر وتفكر وتفكر وده فى حد ذاته روعه لوحدو

    انا سعيده بيها جدآ وهاخد راحه كده او يمكن هفكر فيها شويه وأرجع اقراها تانى :)))

    Facebook Twitter Link .
    3 يوافقون
    3 تعليقات
  • 2

    هى مبذول فيها جهد جامد من ناحية البحث فى الأمراض النفسية و العقلية و أعراضها، من ناحية التشويق مشوقة، لكن بعض الجمل الحوارية مبتذلة جدا بصورة مقززة...و بصور مقحمة على الأحداث، كما إن نهايتها و إن كانت غير متوقعة لكن لم تعجبنى أوى، و تظل رواية تراب الماس أفضل ما كتب أحمد مراد حتى الآن - من وجهة نظرى-

    Facebook Twitter Link .
    3 يوافقون
    6 تعليقات
  • 4

    أحمد مراد المفضل لدي للكتابه في الجريمة رواية مشوقة حبست أنفاسي في كثقر جدا من الأحيان جعلتني منفعلة لأقصي درجة لولا شعوري ببعض المبالغات والخيال الزائد لاعتبرتها أفضل من تراب الماس

    Facebook Twitter Link .
    3 يوافقون
    اضف تعليق
  • 5

    رواااية تااخدك معاها ف حكااية غير عادية

    تفاصيل شديدة الدقة

    تشعر أن الكلمات تتجسد أمامك لأشخاص الروايه .. لا ملل إطلاقاً في اي مرحلة منها

    احساس بالدهشة

    كاااتب يستحق شاابوووه :)

    Facebook Twitter Link .
    3 يوافقون
    اضف تعليق
  • 4

    قصة طبيب نفسي بيتوقف عن العمل بعد موت زوجته وابنته لمدة ٥ سنوات

    عند رجوعه يجد صديقه بمستشفى الامراض العقلية متهم بقتل زوجته

    قصة جميلة اسلوب روائي سينمائي عامي لطيف

    Facebook Twitter Link .
    3 يوافقون
    اضف تعليق
  • 4

    رواية جميلة، وكاتب جميل له قدره رائعة على السرد ويمتلك قوة تشويق رائعة. بخلاف بعض المواضع التي يسهب فيها الكاتب بالوصف ويتوسع خياله بكل الاتجاهات فالرواية رائعة.

    Facebook Twitter Link .
    3 يوافقون
    1 تعليقات
  • 4

    منذ زمن لم اقرأ كتاب كامل في جلسة واحدة!!!!

    مثيرة وشيقة جدا، اتمني يصدر الجزء الثاني ككتاب وليس فيلم فقط

    Facebook Twitter Link .
    3 يوافقون
    1 تعليقات
  • 2

    حاولوا نزع كل ما بالرواية من مشاهد اللعب علي وتر الجنس ... ماذا سيتبقي لكم ؟ نعم لا شئ

    Facebook Twitter Link .
    3 يوافقون
    اضف تعليق
  • 4

    كتاب والله روعة فيه قصة عن صديقين بس نهاية ما حبتها كتير

    Facebook Twitter Link .
    3 يوافقون
    اضف تعليق
  • 0

    أقرر ما كتبت واشتركو ان اردتو المزيد

    Facebook Twitter Link .
    3 يوافقون
    اضف تعليق
  • 0

    انا مش لاقيه الروايه :( ....!!

    Facebook Twitter Link .
    3 يوافقون
    اضف تعليق
مراجعة جديدة
المؤلف
اقرأ المزيد عن المؤلفين