جريمة على رقعة الشطرنج

الرواية فكرتها حلوه اوي وترتيب الاحداث مشوق جدا شدتني من اول ما بدات معرفتش اسيبها غير لما خلصت

ذكية جدااا

ما وصلت لمرحلة إني أنسى الوقت وأنا اقرأ و أفكر فيها طول الوقت

رواية جريمة على رقعة الشطرنج للكاتبة هاجر عبد السلام من الأعمال اللي شدتني من أول مرة قرأتها وقت صدورها على تطبيق أبجد، وخلّتني أتابع كتاباتها بعد كده، خصوصًا مع توجهها لكتابة روايات جديدة في مجال الجريمة.

أسلوب السرد في الرواية سلس وبسيط، لكنه في نفس الوقت مميز، وده خلّى الأحداث تمشي بشكل جذاب من غير أي تعقيد. فكرة الرواية نفسها جيدة جدًا، وقادرة تشد القارئ وتخليه متشوق يعرف إيه اللي جاي.

الشخصيات الرئيسية، زي منى وهاشم وروز، كانت معبّرة وقريبة من القارئ، وناقشت مشاعر إنسانية عميقة زي الحب، والانفصال، والفقد، والألم، والحزن. والمميز هنا إن الكاتبة ما اعتمدتش على السرد المباشر أو الوصف التقليدي للأفعال، وده خلّى الرواية تبان أكثر نضجًا وتكاملًا.

كمان الرواية كشفت عن الكثير من الأسرار، وقدّمت أحداث وحقائق متداخلة بشكل ذكي، يخدم فكرة "اللعبة" أو "الشطرنج" اللي بتمشي عليها الجريمة.

وبصراحة، وبالنظر لسن الكاتبة، فهي قدرت تتفوق على نفسها بشكل واضح، وده شيء يُحسب لها جدًا.

أما النهاية، فكانت جميلة جدًا ومُرضية، وسيبت إحساس حلو بعد ما خلصت الرواية.

روايه بسيطه خفيفه خلصت ف قاعده واحده لكنها ضعيفه فكرتها حلوة فيها شبهه من فيلم رد فعل لكن كانت محتاجه تفاصيل اكتر كانت محتاجه تكون مطبوخه علي نار اهدي يبقي في تفاصيل و احداث تفسر التصرفات كنا محتاجين نتعرف علي الشخصيات بشكل أعمق من كده يعني الفكرة حلوة لكن التنفيذ المتسرع ظلمها