لقطات ديوانية: خواطر إنسانية بالعامية المصرية

نبذة عن الكتاب

كان يا ما كان يا سادة يا كرام.. كان في "بنوتة".. عايشة جوَّة "حدوتة".. بنوتة كبيرة بس لسة صغنطوطة.. قلبها مليان حواديت. حواديت هيَّ كاتباها وحواديت مكتوبة عليها.. حواديت هيَّ عايشاها وحواديت عايشة حواليها. حواديت عمرها سنين.. لكن عن عيون الناس متداريين.. وفي الحفظ والصون متشالين. حدّوتة صَحبِتنا حدّوتة عادية، زيها زي ناس كتير تانية.. رايحين وجايين في الدنيا.. بتحب الناس أوي، وتحب تعيش وسطيهم.. وتحب دايماً تسعدهم، وتشوف الفرحة ف عينيهم. بس صَحبتنا من صُغرها.. من أول سنين عمرها، عملت بإديها.. عالم خاص بيها.