أرخبيل الملوك

الرواية دي بالنسبالي كانت رحلة مهمة جداً جوا نفسي قبل ما تكون رحلة حلوة جوا أحداث الرواية نفسها...رواية خلتني أسأل نفسي أسئلة كتيرة زي هو احنا فعلاً أحرار؟ولا الحرية اللي نعرفها مش هي الحرية الحقيقية؟ وايه هي الحرية الحقيقية وامتي نكون احرار بجد؟! ... رواية هتحسسك وانت بتقرأها إن رحلة آدم بطل الرواية مش رحلته لوحده دي رحلتك انت كمان عشان تفهم نفسك وتعيد نظر في كل اللي تعرفه عن نفسك وكل الثوابت اللي بنيتها في حياتك والطريقة اللي تعرف بيها نفسك واللي حواليك..وحقيقي الرواية دي من أعظم ما قرأت لإن صعب تقرأ رواية فلسفية فلسفتها قوية وعميقة تشغل دماغك من غير تعقيد ولا استعراض.

كتاب قادر إنه يدخلك لعالم مش هاتخرج منه بدون ما تفكر إنك تراجع أفكارك عن كل حاجة.. وأولهم الحياة!! من أقوى وأمتع روايات الفانتازيا اللي قرأتها على الإطلاق!! أسلوب ممتع وسلس جداً وفكرة جديدة وقوية..