مراجعات رواية لحن العاصي

انتهت ولم تنتهي من قلبي

رواية تركت في قلبي اثر عظيم

لم اكن على اي علم بثورة سوريا واحداثها القديمه قبل ثورات الربيع العربي الحاجة الوحيده اللي كان نفسي تبقى موجوده مصادر للاحداث المكتوبه

كمية الحزن و الغضب والمعاناة اللي عاشها ابطال الرواية كأني عايشتها معاهم, لم اشعر بالملل اثناء السرد بل العكس كنت متحمسه لمعرفة القادم وهيحصل ايه لعمر وازاي قدر ينجو من الحر. ب وازاي لين هتوصل لناجي وترجعه تاني لها ، وجع الاحداث اللي بقرأها ان ده فعلا حصل في بلد عربي على ايد واحد منهم مش عد.و خارجي

ازاي ده بيحصل وازاي حصل في اي بلد تانيه!!

حقيقي احنا في حاجات كتير مبهمه معرفتها و.جع بس

بقالي مده كبيره جدا مقرأتش روايه بالاسلوب ده ومش عارفه اتخطاها او اتخطى احداثها واخرج نفسي من الحالة المسيطرة عليا بسببها لدرجة رجعت اقرا اخر كام صفحه تاني يمكن استوعب انها خلصت فعلا 💔

مفاجأت الروايه كلها مش متوقعه اثاره شديده عشان افك اللغز مع لين وفي الاخر يطلع اقرب لها من نفسها 😅

حبيت فكرة ان لين بنت الحر. ب هدمت فيها كل ذرة امان وسعاده جواها بسبب اللي حصل لها وعانته وبقت ضعيفه

وبمجرد ما دخل ناجي حياتها وهو المنجي لها

فكره بس انها بتتصرف عشان عارفه انه دايما معاها حتى لو مش موجود وهتبقى في امان رجعت لها تاني قوتها وثقتها في نفسها وتصرفاتها

ناجي عربي الاصل بس افكار ونشأة فرنسيه

احيانا بنحتاج صدمه عشان تفوقنا وترجعنا لاصلنا و ده اللي حصل معاه وقدر يوصل لوطنه ويعرف معنى كلمة وطن فعلا

وكل ده من خلال شخص واحد قدر يجمع اتنين عشان يكونوا لبعض الوطن المفقو. د في كل واحد فيهم

مهما بيحصل بيفضل الوطن وطن وهنرجع له تاني

ولين رجعت لوطنها المتمثل في ناجي

حقيقي ا.ساميه ابدعت بجد وكلمه جاوزت رائعة قليله حقيقي ♥♥

اللهم الطف باخواننا العر. ب في كل مكان و زمان

واجعلهم امنين مطمئنين ♥

الرواية دي واخداني في دوامة مشاعر مش طبيعية!

"ملحمة العاصي" مش بس حكاية حلوة… دي حالة كاملة، فيها وجع، تحدي، ضعف، قوة، وانتقام… ومسامحة ساعات!

أسلوب سامية أحمد صادق أوي، مش بتحس إنك بتقرا، لأ… بتحس إنك سامع صوت الشخصية وهي بتحكيلك حكايتها بإحساسها وتعبها.

الاقتباسات كانت بتقف معايا كده وتقولّي: "خد نفسك شوية"، زي مثلاً:

🖤 "في قلوب مهما عصفت بيها الأيام، تفضل صافية... وفي قلوب أول مطب تكشف معدنها."

💔 "العِند مش دايمًا قوة، ساعات بيكون وجع مش عايز يبان."

الرواية علمت فيا، خلتني أفكر في حاجات أنا كنت سايبها على الرف جوه قلبي من زمان.

اللي بيدور على رواية مش بس تمشي بيه وقت، لكن تسيب فيه أثر… يقرأ "ملحمة العاصي" وهو مغمّض.

وأحب أقول للكاتبة:

شكراً سامية أحمد على وجع جميل... وجع خلاني أفهم نفسي أكتر.

تقييمي الشخصي.......

من ناحية الحبكة:

القصة متماسكة جدًا، مفيهاش مط وتطويل مالوش لازمة، وكل حدث ليه تأثير. كل ما تعمقنا في شخصية "العاصي"، اكتشفنا طبقات جديدة جواه… وده شيء مش سهل يتكتب.

اللغة والأسلوب:

اللغة بسيطة وسلسة، بس فيها عمق وإحساس. مفيش تكلف، وفي نفس الوقت فيها جُمل كده تضرب في القلب على طول.

زي:

💬 "مش كل اللي ساكت راضي، ومش كل اللي بيضحك سعيد."

💬 "العتمة مش دايمًا بره، ساعات بتكون ساكنة جواك."

الشخصيات:

الشخصيات واقعية جدًا، مش مثالية ولا خيالية… بتغلط، بتتألم، وبتتعلم. وده اللي خلاني أرتبط بيهم.

العيوب؟

ممكن أقول إن فيه شوية مشاهد كنت أتمنى تتوسع أكتر، أو بعض العلاقات تُشرح بتفصيل أكبر، لكن ده ما أثرش على الاستمتاع العام.

تقييمي النهائي:

⭐ 4.5 من 5

رواية تستحق القراءة، خصوصًا للناس اللي بتحب القصص النفسية والعاطفية اللي فيها صراع داخلي وإنساني.

وأكيد هستنى جديد سامية أحمد بكل حماس!

لمثل هذه الاعمال يجب أن تُرفع القبعات.. هذه الاعمال التي يجب أن تُخلد.. يا سامية يا من حملت علي عاتق قلمك جراح كل المسلمين في ركن من أركان الكورة الارضية.. شكراً لكً لإنك تحيي فينا ما لايجب أن ننساه..

من أجمل ما قرأت ومهما هقرأ بعدها هيفضل للحن العاصى جزء خاص فى قلبى

دمتى مبدعة أستاذة سامية ودام قلمك فى كل ماهو خير

مراجعة بقلم

ولاء القوصى

الرواية دى وجعت قلبى بجد

ربنا يحفظ بلادنا وبلاد المسلمين

كل الشكر للاستاذة سامية على روعة اسلوبها رغم كل الالم اللى عيشناه مع ابطال الرواية

ربنا يديم علينا نعمة الأمن والامان ويرفع الظلم عن المستضغفين فى كل مكان يارب

مع احترامي لجهود الكاتبة في إلقاء الضوء على المأساة السورية ومأساة اللاجئين السوريين فلقد اشعرتني بأنني احضر فيلم هندي حيث توالت المفاجآت في نهاية الرواية دون الخوض في تفاصيلها ولكن لقاء لين باخيها خالد كان غير مقنع ولم تعطه الكاتبة حقه. أيضا قدرات ناجي الخارقة في التنقل بين البلدان وعودته إلى سوريا كان مبالغ بها وتتناقض مع الواقع. لم أجد تبرير لهجرة إياد مع لين بهذه الطريقة فهو من ازلام النظام فلماذا يعاني كل هذا البؤس. أيضا لين تقف في وجه اناس متنفذين جدا بعد أن كانت إنسانة بسيطة وتعتمد في وقوفها هذا على عمال المطعم. حتى النهاية فهناك آراء كثيرة عن جماعة الخوذ البيضاء من كان يدعمهم ؟ وقيل الكثير عنهم دون الخوض في ذلك.