مراجعات كتاب رحلة الحكايات من الشرق القديم إلى العالم

كتاب قيم جدًا

بنتفرج على أفلام 🎬ومسلسلات🎦 كتير

و بنبقى قاعدين منبهرين 🤩

سواء بسبب فكرتها 💭

أو تنفيذها

أو يمكن طريقة تصويرها 🎥

الموضوع بيبدأ بفكرة 💡 زى النبتة كده بياخدها المؤلف ويقرر يستفيد منها ويزرعها فى حكايته

ممكن تكون الفكرة جتله من مشهد 🎬 شافه من فيلم ما أو قصة قراها وكانت من زمن ما

ومش شرط تكون من نفس البلاد

ممكن تيجى الفكرة من الشرق أو الغرب عادى

وكله بيقتبس من بعض ومين بقى هيعرف الأصل 🤷‍♀️…. إلا صاحبنا بقى اللى غاوى تحليل 🧐

وياسلام لو مشاهد أو قارىء ركز معاك يبقى هيجيبلك أصل الفكرة من أى زمان 😉

وده اللى تخلى بالك منه يا فنان 😉

و مش معنى أن الفكرة جاية من برديات يبقى مش هتتعرف وكل شىء هيتكشف ويبان

أن أصل الحكايات جاى من أساطيرنا زمان

الشرق مليان بالخيرات وبذور أفكار 💭 صالحة للزراعة وينبت منها ملايين الأفكار … خد جزء منها وطلع أحلى الأفلام والروايات

واتشهر واسمك يسمع فى كل البلاد

على أن افكارك ملهاش مثيل بتجيبها منين يا فنان

والجملة الشهيرة من وحى الخيال 😁😉

لكن الحقيقة الصادمة أنك هتلاقى كله بيقتبس من بعضه حتى لو سطر فى كتاب 📕

خدلك سطر من هنا وهناك وابنى عليه قصتك واعمل شوية تعديلات وغير الأسماء ومن حى بن يقظان نخليه ايه مثلا مثلا طرزان 🤔

واهو كله بياخد من بعضه وانت وحظك بقى فى مين هيدعبس وراك 😉🤷‍♀️

اعتقد كتير مننا لما بيشوف فيلم 🎥 أو بيقرأ عمل ويلاقى فيه تشابه بيقعد يحلل ويعمل مقارنات ويجيب وجه التشابه كمان ويطلع الاختلافات

بس ما وصلناش لمرحلة أننا نفتح الدفاتر القديمة

ونقرأ مخطوطات أو نمشى نشوف قصص أجدادنا القدماء اللى مكتوبة على الجدران علشان نعرف أصل الحكاية 😄🤷‍♀️

بعد ما خلصت قراءة كتاب 📕 #رحلة_الحكايات_من_الشرق_القديم_إلى_العالم لـ #منى_مصطفى_إمام من إصدارات #بيت_الياسمين لقيت أن كتير من الأفلام والروايات اللى انبهرت بفكرتها طلعت مش جديدة ومش وليدة دماغ مؤلفها ✍️ 🤫

وهنا كانت الصدمة

صدمتى مش فى اقتباسهم لقصصنا القديمة

كانت هتبقى فرصة حلوة لينا لكن هما طمعوا فيها

طيب ليه احنا مانبقاش أولى بها..

ربطت الكاتبة فى كتابها روايات وأفلام عالمية بقصص شرقية… وفتحت المجال أنى اقرأ حاجات مكانتش فى الـplan واتفرج على أفلام مكانتش تخطر على البال 😁 فضول بقى ما أنت عايز تعرف أصل الحكايات وتعيش فى أجواء التحليلات

تجربة جديدة ومختلفة عليا حبيتها واستمتعت بقصصها وبسبب الكتاب ده قاريت كتب وروايات تانية..

منهم مثلا قصة " حى بن يقظان" لابن طفيل قصة روعة، صحيح صعبة فى مفرداتها بس ممتعة جدا فى أحداثها😊

وفى الخطة كمان اقرأ رواية " مأساة دكتور فاوست"

عارفين بقى المشكلة فين 😄

أنى بقيت أوتوماتيك لما بقرأ حاجة أو اتفرج على فيلم … الدماغ بقيت تشتغل لوحدها وتبدأ تحلل وتربط مع قصص تانية 😉 فنصحى كده ونركز فى اللى بناخده علشان هيطلعلك أكيد مشاهد أو قارىء بيدقق وبيركز 😄

#مكتبة_دنيا

#قراءات_٢٠٢٥