اقتباسات إبراهيم عبد الفتاح

‫ ‏قلبي على الأرض اللي شايلانا ‏

‫ ‏قصدي اللي باقي تحتنا من أرض. ‏

تقولي سعيدة ‏

‫ ‏حاكتب قصيدة جديدة ‏

‫ ‏عن شيخ قابلته ف ابو الهوا في أسوان ‏

‫ ‏قالي: بتكتب ‏

‫ ‏قلتله شاعر ‏

‫ ‏قالي: الحامولي هو روح ألمظ ‏

‫ ‏في الشعر أحفظ قد ماتحفظ ‏

‫ ‏وبعد ماتنساه ‏

‫ ‏أديله روحك تبقي م الأوليا ‏

‫ ‏طيب ياشيخنا اسمع قصيدة جديدة ‏

‫ ‏ضحك وقالي السكة لسة بعيدة ‏

‫ ‏أنا وأنت صوتنا يهد ويزلزل ‏

‫ ‏أيدك على أيدي سوا نغزل ‏

‫ ‏فستان عروسة زفافها بعد يومين ‏

‫ ‏تسبقني ع الميادين أحصلها ‏

‫ ‏وليلاتي في الرجعة باوصلها ‏

‫ ‏نفق الحسين ضلمة وأنا باستعبط ‏

‫ ‏سايق ولكن عيني ع المرايات ‏

‫ ‏لما تغيب الكشافات عنها راح اخطف بوسة ‏

‫ ‏وعند باب بيتها حاسمعها ‏

‫ ‏أخر قصيدة لسة حاكتبها ‏

‫ ‏تضحك ‏

‫ ‏أقول مالك ‏