اقتباسات نهى رجب محمد

‫يابويا نام

‫ يابويا نام

‫ ومَتْفكَّرش

‫ مين غايب ومين راجع

‫ ومين مِرتاح ومين تعبان

‫ ومين مهموم ومين سرحان

‫ ومَتْشِلْشِ الهموم تاني

‫ خلاص ارتاح

‫14/4

2018

كإن النومه هَتطَوَّلْ

‫ طب امتى هَفُوقْ؟

‫ إِمتى أفُوق

‫8/1/2017

‫ أنا الفارس إللي مَلوهْشي مَثيل

‫ جدَع أسمر صعيدي

‫ شايل على كفُّه فؤاده

‫ وانتي الصبيه اللِّي عليها العين

‫ إمتى أشوفك ياحببتي من جديد

‫ إمتى أشوفك ياحببتي من جديد؟

‫8/5/2013

إزاي أقوم؟

‫ خُد عُكَّازاتك واتسِنِد

‫ أُعْرُجْ وعَافر

‫ سافر ونَاكف

‫ خَربِش حيطان الدِّنيا

‫ واحْفُر سِكِّتك

‫ متقولش مَيِّت زيِّ كُل المَيِّتِين

‫ يمكن تعيش

إحنا الأساتذه المُخْلِصين

‫ مِتْوَدِّكين ومصَحْصَحين

‫ عرفين نَاصِحْكُم

‫ ومين فيكم بَليد

‫ ومين ما فِيهْش الرَجا

‫ إحنا الدَّكاتْره السّوَّاحين

يارتني كنت يوم عصفور

أزقزق فوق غصون التوت

أغايظ نخلتك بالطُوب

تقول عيل وتِتبَسم

وترميلي البَلح أَمْهَات ..

كإن الجمرة في إيديا بتلسعني

ومش عارف أطفيها

كأني شايف العتمة بتندهلي

أنام بدري ومتأخرش

كإني طالع السلم وانا طاير

وشايف سكة طوّالي

وتعكيبة عنب أحمر على يميني

وشابة حلوة بصالي

ف خص البوص

يا واد اجمد ومتعيطش

أنا مروح ومش زعلان

غيطاني لسة محروته

هتزرعها

وأمك ساقية مبروكه

هترويها وتحرسها ..

نهى رجب🖊

يا مَحلى سِيرة العُشَّاق

‫ يارتني كنتْ عود ريحان

‫ فِ شُبَّاكها

‫ بتسقيني

‫ بِطرْف إيديها حِنِّيه

‫ وِحبِّة مَيّه عِزّ الحَر

‫ وانا عطشان

‫ وانا عطشان

‫2019/3/26

غَزْل البَنات

‫ صباح الفل والياسمين

‫ على عيون الجميله هناك

‫ لَمَحْها واقفه فِ الشباك

‫ وبسمتها كإنها شمس بتشَقْشَق

‫ كإنها من غَناوِي حَليم

‫ تُسُر القلب

‫ وتريّح

وعنيّا مشتاقه عيديه مِ الضيوف

‫ وانا المدلَّع عَند إخواتي الكُبار

‫ وعَند ابويا وجدتي وجدي سِليم

‫ مشتاق لصوت كل اللي راح

‫ كل اللي ساب في الصف كرسي من خشب

بس أُعذرني وِسامِح

‫ من زمان مَ عْرِفْت انام

‫ ولا عُمري قِدرت أحلم

‫ يبقى خلاص تَعالا نِسهر

‫ إنت تحكي وانا أسمع

‫ يَلا إبدأ

‫ ولّا ناوي تنام وتحلم؟

‫31/10/2014

رحمه ونور

‫ جايز تكون دي يَمَّه

‫ آخر المرات

‫ الّلي هشوفِك

‫ يا مين يعيش

‫ ضميني يمه طَوِّلِي

‫ وحْياة عِنيكي

‫ بلاها تدمَّعي

‫ وادعيلي ياغالية

إوْعَى يا غالي تبقى أناني

‫ جاهد نفسك تبقى مثالي

‫ حَلِّي حياتَك مَرَّه بضحكَه

‫ مَره بلِعْبه

‫ أيْوه فاكِرْها لعبة دوري

‫ يلا تعالى العبها معايا

‫ (دوري دوري يا لمونه

‫ فِرْكِشْ)

‫11/2/2012

اختَر كَدْرَك يلَّا وصَوَّر

‫ دا مصير العَيل راح يكبر

‫ والإيد الخضرا هتْعَمَّر

‫ والإيد الساكته تِتْحَجَّر

‫ الحركه بَركَه يا لمونه

‫ يامَا لعبْنا لعبة دوري

والخروف نايم مكتف

‫ كل أنواع المِحبِّش

‫ والمِحَمَّر والمِشَمَّر

‫ والمِتبِّل والعجين

‫ والعيال قاعدين

‫ بياكلوا فَرحانين

‫ وانا ياكُلني الحنين

‫ وانا من حَقي أحِن

عايز تكون جمّال

اتعلم التَّحميل

‫ إطلع جِبال الخوف

‫ وعلِّم الباقيين

‫ المَيَّه مش للبيع

‫ الميه مش للبيع

‫2010/10/16

افرِج يارب الكُربه ‫ إِدي المحتاج والمحروم ‫ وارحمنا ذُل السؤال ‫ يا مطره رُخي رخي ‫ قالوا: شمسنا بِتدفي ‫ والواقف فيها بَرْدَان ‫ والليل عندنا بيغطي ‫ والمتغطي بيه سهران ‫ والنيل فايض بيكَفي ‫ طيِّب ليهْ أَنا عطشان؟

( لما قالوا دا ولد

‫ انْشَد ضهري وانسند

‫ وجابولي البيض مقشر

‫ وعليه السَّمن عام… )

‫ أنا قُلت دي بِنَيه

‫ غابوا من قُدام عينيا

‫ ولاحدِّش راح يزَغْرت

‫ ولا واحد شَال وسَمى

‫ ضحكتها حَولَيا

‫ غِنِّيوه فوق أرْغول

‫ الضحك سَهَّاني

‫ زَغْزغلي رجليّا

‫ وقلي تستاهِل

‫ إسْهر وسَلِّيني

‫ واقْعد قُبال عيني

‫ ياليلي يا عيني

‫ يا عيني يا ليلي

‫ من يومها وانا سهران

‫ مستني ضحكتها

الشمس نامت

‫ واتعشي يلا واتمشي

‫ ادعيلي نامي

‫ دا البيت ده بيتي يايمه

‫ والسَّعْد جاني

‫26/10/2008