اقتباسات بسمة السباعي

الحب أجمل ما فيه هو شغف البدايات.. هو دقة القلب اللي بتخليك تحس إنك لسَّا عايش.. الابتسامة اللي بتملا ملامح وشك تلقائي أول ما بس تسمع صوته وتعرف إنه جه..

المسؤوليات كتيرة.. بس عدم قدرتك على أنك تعملها أصعب بكتير.

الحياة متعبة.. بس الحرمان منها متعب أكتر بكتير..‏

❞ هتلاقي نفسك قاعد وسط حاجات كتير اشتريتها بفلوسك بس مش هتلاقي نفسك. ❝

❞ هتحاول تفتكر ليهم ذكريات معاك مش هتلاقي حاجة تجمعك بيهم غير شوية صور ولما تبص فيها هتلاقي نفسك وقتها عينك جوه موبايلك ❝

❞ هتحاول تفتكر ليهم ذكريات معاك مش هتلاقي حاجة تجمعك بيهم غير شوية صور ولما تبص فيها هتلاقي نفسك وقتها عينك جوه موبايلك ❝

للحزن والمشاكل تاريخ صلاحية.. مفيش حاجة بتفضل مستمرة للأبد.. فا لو زعلان اطمن.. هتبقى كويس وهتفرح من قلبك في الوقت اللي ربنا كاتبه..‏

ربنا كان سامع دعواتهم وشايف احتياجهم واستجاب لهم بس، كان بيهيئ الأسباب عشان يرزقهم

يا صديقي الحياة لا تخلو من المطبات الهوائية والصناعية.. مفيش مفر من المطبات.. فا محتاجين نطلع ع المطب وننزل منه بهدوء ونتعلم "فن عدم لبس المطب"..‏

ربنا هيقدم لك اللي أنت محتاجه.. مش اللي أنت عايزه..‏

الناس اللي خذلوك.. خلوك تغير دايرتك فا بقيت مرتاح أكتر.‏

اعرف أن خسارتك لبعض الأشياء والأشخاص مكسب كبير.. ديه حقيقة مع الوقت هتلمسها وتصدقها..‏

محتاج تتخلى عن المؤلم.. عشان تعرف تتمسك بالمريح..‏

‫ ‏سيب.. عشان تعرف تلاقي.‏

ولأننا مش عارفين حاجة.. فا الحل هنا هو اليقين.. اليقين أن فعلًا ربنا مش بيوجعنا.. وأن الصعب اللي إحنا مش متحملينه ده في قلبه مليون رحمة بس إحنا مش فاهمينها ولسه مش لامسينها..‏

وافتكر إنها لما بتقفل خالص.. دعوة صادقة بقلبك هتفتح لك كل المقفول..‏

‫ ‏مهما كانت الظروف وحتى وأنت على خط النهاية وفي قلب المستحيل.. ادعي.. الدعاء بيعمل المستحيل.. بيقلب النهاية بداية.. وبيخلي المستحيل سهل وبسيط..‏

‫ ‏اطمن كل حاجة هتبقى أحسن من ما تتخيل..‏

‫ ‏الضلمة اللي أنت فيها ديه فجأة هتقلب نور.. والضيق اللي أنت فيه فجأة هيتبدل بفرح ونجاح ورزق لا تتخيلهم..‏

‫ ‏حتى لو في بطن الحوت فا برضو لسه فيه أمل ونجاة.‏

ثق قي اختيارات ربنا لأنها الأفضل دايمًا..‏

‫ ‏اطمن والله.‏

هما مش سايبينك في المشاكل ديه كلها لوحدك عشان أنت وحش وتستاهل أنك تتساب.. هما سابوك عشان ربنا فضهم من حواليك عشان ربنا العظيم الرحيم هو اللي عايز يتولى أمرك.. ربنا هو اللي عايز يسندك ويقومك.. ربنا مش عايز حاجة تيجي عن طريقهم عشان محدش فيهم يبقى له فضل عليك.. ربنا هو اللي عايز يساعدك..‏

‫ ‏هما مشيوا آه.. بس اللي خلق الكون جنبك..‏

‫ ‏هما سابوك آه.. بس الرحيم معاك..‏

‫ ‏الرحيم سامعك.. عارف أنت بتمر بإيه.. وعارف أنك قدها.. وزي ما خلق المشكلة أكيد هيخلق الحل..‏

هنا لو "سلمت" تسليم إلهي تام صادق.. هتفهم أن الوحش مكنش وحش.. هتفهم أن كل ده إعداد وتجهيز ليك.. إعداد لأفضل نسخة من نفسك.. تجهيز لأفضل سيناريو وشكل لحياتك..‏

«توصل لنهاية حياتك وانت عشت.. افضل ما تفضل عايش وإنت ميت».

الانتظار مؤلم أكتر من عدم وجود الشيء اللي انت منتظره.. عارف ليه؟

‫ لأنه بيمنحك أمل إن اللي انت نفسك فيه هيتحقق فتفضل عايش تتوجع أضعاف وجعك الأصلي..

‫ الانتظار بيموت بالبطيء.. فقدان الشيء أقل وجع من انتظاره..