أحمد علي

‫ جميعنا يُعاني من أرق نفسي.

‫ في حقيقة الأمر كلنا مرضى نفسيين بنحمل نِسب ودرجات مختلفة بتميز كل واحد فينا عن الآخر.

‫ كلنا نفسنا نحب ونتحب وخايفين من الحُب وده في حد ذاته مرض الرغبة والخوف في نفس الوقت، مرض لأنه شيء من التضاد ضِد اكتمال المعنى أو الوصول للهدف.

‫ كلنا محتاجين شخص واحد على الأقل نفضفض معاه ويسمعنا من غير ما نحس إننا عبء عليه، لكن مش قادرين نكشف نفسنا قدامه؛ لإننا بنحس وقتها إننا بنتعرى.

‫ كلنا بنخاف من الضَعف والكسرة فنتصنع بعكس اللي جوانا وده مرض، نفسنا ناس تسأل عننا من غير مصلحة أو طلب أو لغرض، محتاجين الشخص اللي يحلي الكون ﻓ عنينا، لكننا رافضين إن حد يدخل المنطقة دي في حياتنا.

‫ كل ده مرض!

‫ مين فينا مش محتاج ناس تقتحم قلبه بدون تلميحات، حد يجبره باهتمامه على الثرثرة معاه، شخص يحجب عنه فكرة إن الخوف ممكن يطوله في يوم من الأيام في وجوده.

‫ يمكن الناس دي موجودة قريب منا، لكن لسوء حظنا أو حظهم إن عندهم حساسية مُفرطة وشعور بالتُقل