اقتباسات بولا وجيه

‫‏تقبَّل نفسك حتى وإن أخطأت؛ فمن خلال الأخطاء الصغيرة، تنشأ حياة مليئة بالخبرة.‏

راجع حساباتك تجاه تعلقاتك بالأشخاص والأشياء، واحكم بعقلك قبل قلبك تجاهم.‏

مهما تبان ضعيف متصدقش؛ لأن كل الحكاية إنك لسة معرفتش نفسك صح، ولا عرفت من الأساس قوتك واصلة لحد فين.

ان التغير لا يُدرك لحظة وقوعه ‏

‫‏انما يبدو و تتضح معالمه بعد تمامه

ومينفعش أصل الحب، يحرم نفسه من الحب!

متسمحش لحد يضمن بقاء قلبك غير لو فعلاً يستاهله، قلبك أمانة مش بسهولة تسيبها لأي حد من غير ما تعرف وتطمن وتصدق أنه فعلاً قد الثقة الكبيرة دي.

دور دايماً على اللي يكون شبهك ومريحك، مش اللي شبهك في عين غيرك لكن من جواك لا.

لأن حلو يكون شريك حياتك مختلف في عينك عن بقية الناس، لكن لازم وشرط مهم يكون في روحك وفي عينك شبهك أنت.

فمتخليش الجزء اللي ظاهر من حياة حد، يحسسك أن حياتك وحشة، لكن فكر ازاي تخلي حياتك هي اللي تعجبك.

لكن حزنك وتعلقك في مرحلة الماضي، وكأنه سجن بيخنق روحك وأنت السجان قافل على نفسك جوا السجن ده، مش هيفيدك في أي حاجة!

بس قرار التغيير علشان فعلاً يكون صادق ويكون حقيقي، لازم يكون خارج من جواك أنت، تكون أنت اللي مقرر أنك تتغير.

مش عار يصيب الإنسان ابداً أنه يهتم بصحته النفسية زي ما بيهتم بالجسدية برضه.

الحياة فيها حاجات كتير أوى تستاهل تعيش عشانها، وحياتك تستاهل أنك تحاول عشانها،

‫‏عبَّـر عن حزنك تجاه موقف معين، وتحدث عنه بكل شجاعة.. إن لم يكن مع الشخص المخطئ فعلى الأقل مع ذاتك.‏

محدش هيكمل معاك حياتك كلها، ولا حاجة هتفضل موجودة ليك العمر كله؛ فحاول تصدّق القاعدة دي، ومترهقش قلبك طول الوقت بإنه يتعلق بأي شيء ممكن يمشي ويفارقه.. قلبك غالي♥.

خلّي قرارك في الحياة دايمًا إن مفيش داعي للقلق، طول ما المركب فيها ربنا، تأكد إنها يستحيل تغرق؛ لأن حتى لو دفِّتَك مالت يمين أو شمال، هو لوحده اللي قادر يوصل بيك لبر الأمان.

الشاطر اللي يعرف يغيِّر الظروف اللي هو فيها، ويخلق ظروف تانية لنفسه تكون أحسن وألطف، أو يحاول ياخد الحياة على قَدْ عقلها لحد ما يبدأ يغيِّر فيها وتتغير معاه واحدة واحدة.‏

ابدأ من عندك، وابتدي تحب نفسك صح، ووقتها هتلاقي الناس ابتدوا يقدموا ليك المحبة والتقدير اللي تستاهلهم فعلاً.‏

وسط كل حاجة صعبة بتشوفها، خليك متأكد إن ربنا شايف وعارف كل ده، حتى لو اتأخر في استجابته أو سَنْدته ليك خليك متأكد إنه هييجي.‏