اقتباسات دعاء أمير شلبي

إنت مش مسؤول عن مساعدة واحد قادر يساعد نفسه.

‫٢١٩

وقت الحساب، ما حدش هيتحاسب مكانك، حتى الشخص اللي جمل لك المعصية أو اللي كان السبب في اللهو عن الشعائر الدينية. إنت بس المسؤول عن عباداتك.

اِدى لنفسك هدية لما تلاقي نفسك جريت كتير، مش بس لما توصل.

اِدى لنفسك هدية لما تلاقي نفسك جريت كتير، مش بس لما توصل.

❞ ما تتأخرش

⁠‫الاعتذار، المواساة، الطبطبة، الاحتواء، الاهتمام، المشاركة، السؤال، المعايدة، وكل ما شابههم زي القهوة، مهما تفننت في ظبطها لو ما قدمتهاش في الوقت المناسب هتبقى باردة وما لهاش طعم. ❝

❞ أنت شمعة؟

⁠‫لو شايف نفسك شمعة تحترق سواء بقى من أجل نفسك ولا الآخرين، اتأكد الأول إنك بتقيد في ضلمة عشان نورك يكون واضح. ما تبددش نورك في النهار وتبذل مجهود على الفاضي. وفر طاقتك لوقت الحاجة الحقيقية، إنما العطاء في ❝

لو عملت المعروف وانت مستني رده فاعرف إن دا اسمه مصلحة مش معروف.

تقبلك لغيرك رغم اختلافه يعتبر أهم قواعد الاحترام المتبادل.

خلقنا بأذنين وفم واحد.

‫ عايز تتكلم صح؟!

‫ اتعلم إن وقت النقاش كل ما تسمع وما تتكلمش، كل ما تفهم أكتر وتتجنب المشاحنات.

‫ اسمع، دوّر الكلام في راسك، اسأل، اتأكد إنك فاهم صح، كوّن رأي، وبعدين اتكلم.

أصعب حاجة تعملها في إنسان تعشمه وتسيبه وقت احتياجه

فيه ناس كدا عشان تنال رضاهم محتاج تاخد دكتوراة في التعامل وتقدم طلب موقّع من اتنين ملوك سابقين ومختوم بختم التنين المجنح، الناس دول تلاقيهم حاطين لك قوانين لتقشير البطاطس قبل تحميرها، وبيحاسبوك على طريقة مسكتك للتليفون وإنت بترد عليهم. المشكلة مش هنا، المشكلة الحقيقية لما تكون مقتنع إنك ممكن في يوم من الأيام تنول رضاهم.

الابتزاز العاطفي باختصار شديد هو التلاعب النفسي اللي بيتعرض له شخص من شخص تاني عن طريق التهديد أو العقاب أو السيطرة.

اعرف إن خسارة واحد من الناس لا تساوي أبدًا خسارة الناس.

انتبه من الشعرة اللي ما بين التوضيح والتبرير.

شارك غيرك لكن في نفس الوقت خلي عينك على صندوق خصوصيتك اللي بتقفل عليه مناطق حياتك اللي ما بتكونش مباحة لأي حد، واللي ما بتسمحش لحد يتحكم فيها أو يفسدها، فالناس ما بيقدروش يفسدوا شيء هم مش عارفينه.

تقدر تعتبر جسمك مرايا لنفسيتك.

‫لما تلاقي نفسك مسترسل في أفكار مغلوطة.. قاطع نفسك.

‫لما تلاقي نفسك اتسحبت في تفكير سلبي لأحداث انتهت.. قاطع نفسك.

‫لما تلاقي نفسك غرقت في تخوفات من صنعك وما لهاش أي أساس.. قاطع نفسك.

‫لو لاقيت إن دماغك أو مشاعرك ودوك مكان ضد قيمك ومبادئك.. قاطع نفسك.

‫٧٥

مستوى سعادتك هيزيد كتير لما تعرف تفرق بين اللي إنت عايزه واللي إنت بجد محتاجه.

البكاء ما هو إلا نوع من أنواع التطهير النفسي اللي لو كتمته وتخطيته وعملت نفسك مش شايفه يمكن يضرك أكتر ما ينفعك.

شئنا أم أبينا هيفضل التكيف نعمة إلا في حالة إذا كان ثمنه التخلي عن مبادئ أو قيم مهمة، أو إذا تخطى مرحلة التكيف وتعداها ووصل لطمس هوية وإخفاءها. هنا بس اقف.. راجع نفسك.. احسبها كويس.. خد قرار.