اقتباسات عمرو حسن

حسيت كام مرة انك وحدك

حواليك أصحابك وقرايبك

لكن وحدك

بتقلب أرقام تليفونك

وتدور على حد مكلمتوش من فترة

وبتسمع لفرانك سيناترا وأنغام ومنير

حسيت كام مرة انك شرير

وبإن الناس بتبص عليك

كام مرة تدور ع الساعة وهي أساساً في إيديك

كام مرة بتسرح ف الدنيا وانت مروح

وتشوف رجليك من غير تفكير

واخداك ع البيت

حسيت كام مرة انك بصيت

وبكيت

مالقتش صحاب

والناس أغراب

يومك “لايكات” وصور بـ”تاجات”

والموقف واخده ف كومنتات

حسيت كام مرة برفض حاجات

لكن كملت وقلت “اهو خير”

في الختام،

فيه كلام محتاج أقوله بس مش لاقي الكلام،

فيه حاجات محتاج أقولها، وانتي عارفة إني خيبة،

وإني بتلخبط ف اسمي،

وإني باعرق لمّا افكَّر

وانتي عارفة إن إنتي سكّر

وإني من غيرك وحيد،

وإني صايم طول حياتي

فجأة شوفتك جايّة عيد

وإني مش عارف أعبَّر

أو أبيِّن شيء جديد

أو أقول لك يعني مثلاً

انتي نجمة فووق بعيـــد !

ف مين اللي قال الهروب مسؤولية؟

ومين اللي قال إن لم "الدراهم"

هيجعل ولادك يحسوا بأمان؟

أنا أعرف غلابة وعمّال نضافة

عرقهم بيملى الزمان والمكان،

وكل الفلوس ف البنوك والأراضي،

ما تسواش وجودهم ف لمّة فطار!

سلام للي عيّط وساب قلبه واقف،

بيستنى أبوه عند باب المطار!

لكن برضه عيب أني ألوم اللي سافروا

وتعبوا وعافروا

وآمنوا بوطنهم لحد أمّا كفروا

أكيد همّا يعني قلوبهم بتبكي

مفيش حد عاقل بيتمنى غربة

لكن لو بلدهم بتقتل بقسوة

فلازم هيمشوا مادام هيّ "تربة"

واكتب لكم عن حبها ..

"كان لابد أحبها"

علشان كده دونًا عن الألف اللي حضروا حفلها

أنا الوحيد اللي خبطت ف كتفها!

هيَّ

تلات أمتار من البهجة،

خمس أشبار من المرح الطفولي والندى

تقدر تقول "مصر الجديدة"

قبل ما جهاز المدينة

يجبر الشارع على استقبال مزيد م الإعلانات،

والإعلانات على قد ما بتكبر

بيزيدوا الضحايا في المدن،

حسب اتساع الإعلانات

أو ربما

حسب اتساع صدر الأهالي في المدن

هي الصدف نفس الصُدف جرحي القديم بان فيك

عمرك ما ترضى بالقدر حتى إن زمان بنا فيك

من غير نظر شفتك حزين من غير ما ابص أنا فيك

يمكن يكون دربك جنوب وتعيش بقلب شمال

خانك نصيبك ف الرؤى واتهز فيك وجه مال

مش معنى إني اعترفت بيّا لابد أكون بنفيك!

_ انت ازيك؟

‫ _ كله تمام

‫ _ مش هنشوفك يابني شوية؟

‫ _ أنا مشغول حبة لقدام

‫ _ طيب أخبارك؟ طمنني

‫ _ بكره نكمِّل، هادخل انام

‫ _ رد على التليفون طب عايزك

صوتي محشرج، عندي زكام

‫ _ إنت كويس؟؟

‫ _ يلا سلام

تحياتي لأفضالك يا عالم كله متحوّل

‫ عشان خلتني ف الآخر أحس بنعمة الأول.

أحلى صداقة تقوم ف الدنيا

‫ من غير عُقِد البني آدمين

‫ بين عيل لسه ف سنة تانية

‫ وما بين راجل ف التمانين

‫ الاتنين أطفال من جوه

‫ والاتنين بالروح عايشين

‫ والاتنين مش ممكن تعرف

مين فيهم بيعلِّم مين!

الموضوع مابقاش يستاهل

‫ والدعوة مابتجيش بالساهل

‫ بس انا محتاجها ومتأكد

‫ إنكوا من جوه ارتاحتولي

‫ وانا مستنيكم تدعولي

بالتحديد ف الوقت الحالي

‫ أنا أصلاً مش عارف ما لي

‫ بس ادعولي

‫ وان كنتم شايلين من حاجة فانا متأسف

‫ أنا كل الدنيا معاكساني

‫ واتحوِّلت لواحد تاني

‫ دايماً متعصَّب وبعاني

مش جايز كل اللي حصلك ‫ كان أصلاً "فاصل إعلاني" ‫ والفاصل أول ما هيخلص ‫ هتروح راجع عيل تاني؟ ‫ مش يمكن تطلع مش صاحي ‫ نايم من وأنت في إعدادي ‫ مالك؟؟ مستغرب ليه يعني! ‫ يعني أنت الي حصلك عادي؟

رابحٌ مثلَ (مُحمَّد عليّ كلاي) بعد عودتِهِ مِنَ الإيقافِ

‫خاسرٌ كجنديٍّ أسقطتْهُ طائرتُهُ فوقَ جيشِ العدوِّ

‫سريعُ البديهةِ كمُقامرٍ

‫وبطيءٌ كالوقتِ الذي يسبقُ اللقاءَ

‫محظوظٌ مثلَ (أحمد مظهر) في (النَّاصر صلاح الدِّين)‏

أَشْـيَاءُ جَيِّـدَةٌ

‫أنْ يولدَ (بيتهوفن) وألَّا يموتَ بالحصبةِ،

‫أنْ يُرشدَ اللهُ سبعَ يماماتٍ

‫إلى عُشِّهم الصَّغيرِ بتكييفِ الغُرفةِ،

‫أنْ يخلقَ (وردةَ) و(بليغ حمدي) معًا ‏

‫كي يربطَ الوردَ بالبلاغةِ،

«إنَّ الشَّيطانُ هُو الملاكُ في الكواليسِ»،‏ ‫ويقولُ: «النَّاسُ يُحبُّونَ الـمُخادعَ؛ لأنَّهُ مَرِحٌ، ‫أمَّا الصَّادقُ في هذا الزَّمانِ؛ فلا مكانَ لَهُ ‫تمامًا كالموسيقى الكلاسيكيَّةِ في حفلٍ صاخبٍ ‫أو كالوردِ على قبورٍ بلا شواهدَ»!‏ ‫لقدْ كنتُ الوردَ ‫في بيتِ حبيبتي ليلةَ زفافِها،

وأحترمُ الصَّامتينَ؛ لأنَّهم لا يكذبونَ

‫ليستِ الأشياءُ كما تبدو،

‫ولا المشاعرُ

‫بعضُهم يُخبِّئُ «أحبُّك» في «أكرهُك»،

‫وبعضُهم يُردِّدُ كلامًا لا يمرُّ على محطَّةِ القلبِ

‫إنَّني ألتمسُ خمسينَ عذرًا لأعدائي ‏

‫ولا ألتمسُ واحدًا لأصدقائي؛

(ميريل ستريب)‏ ‫كانت جدَّتَهُ الَّتي ماتتْ وهُو في العاشرةِ، ‫و(داستين هوفمان) كان فرصتَهُ الضَّائعةَ.‏ ‫في الأعيادِ. لا يأتي ‫يقولُ الموظَّفُ لمديرِهِ: «لنْ يأتيَ الوحيدُ».‏ ‫كانَ قبلَ ذلك يقطعُ تذكرتَينِ ‫واحدةً لَهُ، وأُخرى لغائبةٍ ‏ ‫توقَّف عنْ ذلك بعد أنْ شاهدَ فيلم Adrift

‫تقابليني ‫

كإنك فيلم خمسيني

‫كإنك وردة في البدلة

بيرويها مطر عيني

‫كإنك أرض

‫كإني فـ حضرتك بابقى (روائي لا يمَل السرد)

أميل لك بس مابملِّك

‫أشيلِكْ عمري ما أشيل لِك

‫وأغازلك شعر وأغزِل لك

‫ضفاير شكّي ويقيني

‫أطُل فـ عينك استشهد

يا مزيكا بتتنهد

❞ لو عاوز شيء بشدة

‫ إياك تطلق سراحه

‫ فيه حاجات ياما بغبائنا

‫ قولنا نسيبهم فـ راحوا !!!❝

تحياتي لافضالك يا عالم كلو متحول

عشان خلتني في الاخر احس بنعمة الاول