اقتباسات مصطفى إبراهيم

أنا أحسن واحد يقنعك تحكي... وما بيحكيش

أنا أحسن واحد يقدر يقنعك تبكي.... وما بيبكيش

أنا أحسن واحد يقنعك تفرح

أنا أحسن واحد يقنعك تجرح

أنا أحسن واحد ميت

يقدر يقنعك....

تعيش

إنى رأيت اليوم

الصورة من بره

قلت الحسين لسه

حيموت كمان مرة

إنى رأيت اليوم

فيما يرى الثائر

إن الحسين ملموم

فوق جثته عساكر

بيدغدغوه بالشوم

كل أما ييجى يقوم

وإن البشر واقفة

تبكى بدال ما تحوش

وإن العلم مصفاه

م السونكى والخرطوش

وإن الطريق مفروش بالدم للآخر

إنى رأيت اليوم الدم ع الآيش

وإن الحسين احنا

مهما اتقتل.. عايش

ماسبيرو أخطر م الرصاص والقصر

ملِّى عنيك بالدم .. قبل الطلوع قدام

ما تسيبش جيشك تِقسِّمه الإعلام

مش كل مين جنبك .. جواه بيهتف مصر

دور البرد اللي يجيك مرّة

بيموت ويسيبك للي ماجوش

ف بلاش خوف لا تعيد الكرة

وفّر خوفك للي ما شفتوش

دايما على قدّ ما تتساب... سيب

وعلى قدّ ما واحشك أحباب.... غيب

كل الداين .... كان متداين

والدين بيلف بدون ترتيب

أنا عمري ما كنت بجرّح قصد... لحد ما قلبي اتجرّح قصد

انا جاني وقاضي ومجني عليه

وطلعت براءة ف حكم النقض

انا دومينو ف صف ومش قصدي

كان نفسي أسند قمت موقّع

انا شايل قلبي ف محفظتي

واول ما تجيلي فلوس بدفع