سايكوسينما : رحلة استكشافية في عالم الطب النفسي على شاشة السينما - الجزء الأول
تأليف إسماعيل إبراهيم
سنة النشر 2025
486 صفحة _714 علي ابجد
المحرر للنشر والتوزيع
قراءة الكتروني علي ابجد
التقييم العلامة الكاملة بدون ذرة مجاملة
@
الريفيو ده مش ريفيو خالص ده هيبقي مواقف فكرني بيها الكتاب
طول عمري بحب اقرا ملامح الناس وانفعالاتهم وكنت بستغرب ردود فعل اشخاص عن غيرهم
المسابقات بالنسبة لي مشاركة عن كتاب قرأته وحبيته وانا مش بشارك في مسابقات الا لو حبيت الكتاب
#
قرأت للكاتب كتاب نيوروسينما وسايكوسينما
" «نيوروسينما» كان يهتم بدراسة كيفية تأثير الأفلام على الدماغ من منظور علوم المخ والأعصاب، انصب تركيز «سايكوسينما» على كيفية تصوير الاضطرابات النفسية على الشاشة السينمائية، وتأثير الأفلام نفسها على الحالة النفسية للمُشاهد، وكذلك كيف يمكن لها أن تكون وسيلة لاستكشاف النفس البشرية ولتحقيق فهم أعمق
للعقل البشري"
سايكوسينما ما يميزه انه اتكلم عن الطب النفسي وتاريخه منذ القدم وده شيء يحسب للكاتب انه اعطانا معلومات ذات قيمة غالية في تاريخ موجز للطب النفسي منذ عصور ما قبل التاريخ ومرورا بالعصور الوسطي والعصر الذهبي للإسلام وعصر النهضة
الجزء ده انا كنت بقرأه وارجع اقرأه تاني لأن المعلومات فيه كانت جميلة جدا وقيمة وممتعة ومؤلمة في نفس ذات الوقت للطرق الغير انسانية التي تعامل بها الاطباء مع المرضي
"منذ بداية الخمسينيات، ظهر جليًّا مدى وحشية هذه الجراحة ومخالفتها لأبسط المبادئ الإنسانية والأخلاقية، فكانت أولى الدول التي تقوم بحظرها رسميًّا هي الاتحاد السوفيتي في عام 1950 (هل تتخيل أن واحدة من أكثر الدول القمعية في التاريخ تعتبر هذه العملية غير إنسانية!؟ يذكرني ذلك بالمثل القائل: «يصعب على الكافر»!"
الجزء ده كان بالنسبة لي عامل زي فيلم رعب مش بينتهي
فب الجزء ده مكانش بس تاريخ الطب النفسي والأمراض النفسية لكن كان وصفها وطرق علاجها في الوقت ده واللي كانت فيها تجارب وحشية في حق المرضي للأسف
والجزء ده محتاج قراءة مرات ومرات ومناقشات كثيرة جدا للفهم والتحليل
وعجبني في الجزء ده تاريخ العصر الذهبي للإسلام اللي اهتم بالامراض النفسية بشكل جيد جدا عكس الدول الغربية وقتها
@
"سكوووت....حنصور"
بحس هنا بـ روح يوسف شاهين وهو بيخرج احد أفلامه المعقدة
وده الجزء المثير في الكتاب لأغلب القراء
وفي الجزء ده خلوني ابدأ بأخر الافلام واللي هو" رجل المطر " اللي اتكلم عن التوحد و بصراحة اعاد لي الثقة في قواي العقلية : اه والله لأن الشائع عن الاطفال المتوحدين انهم عباقرة وده اللي اتشرح لنا في كورس تعليمي من حوالي سبع سنوات ف مجال التعليم فيما يسمي وقتها بالدمج التعليمي _ واللي معناه في ابسط صورة اننا ندمج الطلاب ذوي الاعاقات البسيطة مع الطلاب العاديين في المدارس العادية _ ولكن اللي حصل انهم دمجو الطلاب المتوحدين مع الطلاب العادين وده كان غريب جدا لان لاحظت ان الطلاب المتوحدين في الواقع غير اللي شرحوه لنا في الكيلاس اه والله الطلاب مش عباقرة ولا حاجة بالعكس مستواهم متدني جدا في كل شيء سواء تعليمي او اجتماعي او اخلاقي ....الخ
حتي الافلام اللي اتكلمت عن التوحد كان المتوحد فيها عبقري بشكل او اخر زي رجل المطر او تيمبل جراندين
الكتاب وضح معلومات كتير عن التوحد كانت مغلوطة باانسبة لي الكتاب صححها لي
# الاكتئاب
"يصيب الاكتئاب الإناث بنسبة أكبر بكثير من الرجال قد تصل إلى الضعف، كما تزداد النسبة في مراحل مُعينة في حياة المرأة"
الستات في الكتاب ده اخدت المركز الأول بجدارة
اعتقد اننا كلنا مررنا بالاكتئاب لكن الحمد لله انه موصلش لحالة خطيرة:*
# الوسواس
لي تجربتين عن الوسواس في الشغل مع زميلتين
الاولي كانت بنوتة بيتجي تدريب عندنا في المدرسة باباها الله يكرمه عرضها علي طبيب وعالجها بالرغم من معارضة مامتها ؟! والبنت بقت كويسة وماشية بعلاج وحالتها مستقرة
الحالة التانية اهلها رفضوا انهم يصدقوا ان بنتهم عندها مشكلة من الأساس وانها بتبالغ وبس اصلا
عاوزة اقول ف الجزء ده ان دور الأهل مهم جدا ومش مهم ان الناس تقول ان عندك مشكلة اد ما تبق يعارف ان عندك مشكلة وخايف من كلام الناس
وعاوزة اقول برضة ان كنت في مدرسة نقلت لها جديد كان فيها زميلة حكو لي عنها حاجات كتير كنت وانا بقرأ عن اضطراب ثنائي القطب والهوية المتعددة كنت شايفاها فيها بالرغم من اني ولا مرة شوفت الزميلة دي في حالة غير سوية وده لأنها كانت بتتعالج وبتاخد ادوية باستمرار وكانت طول الوقت الي قضيته في المدرسة شخص هادي ومتعاون لو طلبت منه شيء , واقول تاني انه السبب في ده مامتها اللي اهتمت بعلاجها وهنقول تاني وعاشرومليون ان دور الأسرة مهم
# فرويد
انا كنت بعتبر شخصية فرويد مستفزة جدا وبعد الكتاب ده استفزتني اكتر كمان
الفيليمين اللي اتكلم عنهم الكتاب عن فرويد شوفتهم من فترة وبالرغم ان في بعض النقاط كانت غامضة بالنسبة لي لكن الكتاب وضحها وشكرا جدا علي ده
#~ القناص
بغض النظر عن الفيلم والتنوية الي كتبه المؤلف الا انه بيناقش اضطراب مهم جدا اللي هو اضطراب ما بعد الصدمة
وناقش فيلم مهم جدا بالنسبة لنا كـ عرب ومسلمين اتأثرنا بغزووو العراق
افتكر اني وقت غزووو العراق وسقوطها قرأت عن حرب فيتنام_ هي المشررررحة ناقصة قتتتلي_ وباااااس ي سيدي ع اللي حصلي
طب لما قرأت تلك العتمة الباهرة وترمي بشرر؟!!
بصووو انا حاسة ان الكتاب ده طلع فيا كل الاضطرابات والعقد النفسية
@
اسلوب الكاتب مميز جدا ورشيق وممتع وبيعرف ازاي يخليك تستمتع حتي بمعلومات طبية
وناقش افلام مهمة جدا ومعروفة وشرحها وشرح معالجتها بالسلب او الايجاب من الناحية العلمية والطبية
@ الجزء الخاص بالهوامش كان فوق الممتاز
عرض فيه الكتاب ملحق ل اهم المقاييس النفسية الشهيرة المستخدمة في تشخيص الحالات
وقائمة بأهم الادوية
قائمة باهم انواع العلاج النفسي المستخدمة للاضطرابات النفسية
قائمة باهم انواع الأدوية المضادة للاكتئاب
قائمة باهم الارشادات عن افلام الانتتحار
قائمة باهم العلاجات والبرامج النفسية
قائمة بالمراجع
خلوني اقول اني كنت متحمسة للكتاب جدا لكن الكتاب ده جه في الوقت الغلط بالنسبة لي لأن قراءته في فترة ضغوط نفسية غريبة وقلق وتوتر وحالة صحية غير مستقرة بالمرة وكنت بقول اني مش هقدر اني اكمل الكتاب ولا اكتب عنه ولا حتي اعمل اقتباسات لأن قرأت وانا بين معامل تحاليل واشعة وعيادات الأطباء
انما في المجمل استمتعت بالكتاب لأبعد الحدود واستفدت منه كتير جدا ومنتظره الجزء التاني ويارب اقرأه في ظروف احسن (:
# الاقتباسات
هناك كتير ع ابجد