‫ - أنا عايز أكلمك بصراحة يا أمينة.. إنتي عارفة أنا جيت لك الليلة دي ليه؟ لأنك قبل ما تكلميني في التليفون.. كنت قاعد أكلم نفسي، وكان متهيأ لي إني ظلمتك.. كنت باقول لنفسي إني ماكانش لازم أسيبك وجيت مخصوص علشان أؤكد لنفسي إني ما غلطتش.. إنك إنتي إللي غلطتي.. إنتي مش كويسة يا أمينة.. ماتقدريش تبقي كويسة.. ماتقدريش تصوني كرامة أي راجل.. إنتي كنت متجوزة وبتخوني جوزك معايا.. وبعدين اتخطبتي لواحد وخنتيه برضه.. وبعدين إتجوزتي واحد تالت وخنتيه.. وكنت بتحبيني وتخونيني.. ودلوقتي بتحبي واحد تاني وبتخونيه برضه..