مرة تانية هبة زايد بتلمسنا بجرأة في عالم مخيف وجميل في نفس الوقت
خلصت الرواية وانا حاسة اني خارجة من كابوس بس كابوس حلو الرواية دي خفيفة وسريعة بس دماغها تقيلة بتسيب علامة
اجواء رعب وفانتازيا ونفسية كدة تحسي انك مش فاهمة كل حاجة بس قلبك بيدق جامد
أول صفحة كانت صدمة لكن النهاية مفاجأة واللي بينهم شد أعصاب
اقنباس عجبني جدا
الطريق للجحيم مش دايما مرصوف بنوايا شريرة أوقات بيبدأ بخطوة طيبة
الجملة دي خلتني أعيد التفكير في كل عملتها بحسن نية
اقتباس لمسني اوي
ليصنع الله بي ما يشاء فعدل منه كل ما يصنعه
جملة عميقة غسلتني من جوة بتخليك تحس ان الموضوع مش رعب بس
دي حاجة حوالينا ممكن روحنا او نيتنا وقد تكون حاجة بنمر بيها داخلنا
اللي عجبنى بقي
اللغة سهلة وجذابة، مش تقيلة بس مش سطحية.
الرعب النفسي بيلعب على خيالك أكتر من إنه يرعبك بصور بشعة.
الشخصيات غامضة بس مش مبهمة… كل واحد وراه سر، وكل سر وراه باب.
اللي مش كان عاجبني اوي وممكن اعتبرها ملاحظات صغننة
القصر في السرد ممكن يخلي ناس تحس إن الأحداث حصلت بسرعة مش عارفة يمكن ده عشان خيالهم مش واسع مش مساعدهم انهم يوصلوا لنفس احساس الكاتبة وهي بتكتب الرواية واللي عايزة انه يوصلنا
الرواية قصيرة شوية، كان نفسي تقعد أطول.
حسيت في كم مشهد محتاج شوية شرح أكتر، بس يمكن ده مقصود علشان يحفز القارئ يفكر.
🌟 تقييمي الشخصي:
الرعب: ⭐⭐⭐⭐☆
الأسلوب: ⭐⭐⭐⭐☆
الفكرة: ⭐⭐⭐⭐⭐
النهاية: ⭐⭐⭐⭐☆
---
🎀 الخلاصة: لو بتحبي روايات تخطفك من أول صفحة وتسيبك محتارة في الآخر، "بوابة الجحيم" هتعجبك جدًا.
قصيرة، مخيفة، وبتقول كلام كبير وسط الصمت والرعب.
بنصح بيها وبقوة ❤️🔥
تعبت من الكتابة بجد 😂
