مراجعات كتاب ارانغل

رحلة ممتعة جدا مع قلم الكاتبة أمل بركات.. مع بداية الرواية هنحس معاها أننا في عالم غريب وهتشعر إنك في رواية أقرب للفانتازيا ومع دخولنا للأحداث هيتضح لينا العالم ده أكتر وهندخل في صلب الرواية في بلوت تويست هيفاجئنا جدا..

قرأت لأمل قبل كدة نوفيلا ستائر حرير ونوفيلا دانتيل أسود والحقيقي كل مرة أمل بتفاجئني باختيارها للمواضيع اللي بتطرحها في الروايات.. بتركز دايما على مشاكل أو مواضيع عصرية بتحصل في مجتمعنا وبتسلط الضوء عليها، مواضيع واكلة دماغ الشباب في الفترة الراهنة.. بيعجبني فيها التركيز على الموضوعات دي وطرحها ومعالجتها بشكل عظيم..

أنا من عشاق قلم أمل وشهادتي في قلمها مجروحة ورواية ارانغل حقيقي جميلة وممتعة تسلم ايدك يا أمل ودام ابداعك ❤️

ممتااازة جدا و جديدة

لم أقرأ مثلها

أريد قرائتها مرة أخرى

ارانغل الوهم القاطن بداخلنا نحو المتعة..

ارانغل عمل اجتماعي به لمحة من الفانتازيا الخفيفة.

أحيانا ننجو بالوهم، وأحيانا أخرى يفتك بنا.

ارانغل حيث المتعة المتخفية هي اللذة اللحظية وبعد السكرى تأتي الافاقة.

كثير أوي بنفعل أشياء لا من ضمن العادات بتاعتنا أو اللي اتربينا عليه، بس بنعمله للتمرد أو الهرب من شيء علنا نلاقي بعض منا بين طياته الشيء المحرم ده، نفس الفكرة هنا ارانغل مجرد وهم في خيال كل منها ولكن أودى بهم إلى تواصل بطريقة متخفية وفي عرف الدين فهو شيء محرم لا يصلح، وليه عواقب كتير وخيمة وإن كنا غير مدركين لده، ولكن لحظة الافاقة كانت أكبر من لحظة الوهم ومن خلالها قدرنا نشوف الصورة أوضح بكتير، إن ترتيبات القدر وإن كانت عكس ما رغبنا به في لحظة من اللحظات بدافع الفضول، فهي الأفضل والأمتع على الإطلاق، وده بالظبط اللي حصل، وده بيعلمنا شيء عدم السعي وراء وهم من المتعة اللحظية في شيء متخفي بعيدا عن الأعين والسير بتخبط خشية انكشاف الأمر، وانتظار قدر الله لنا لأنه الأنسب لنا والأمتع على الإطلاق.

رواية خفيفة خلصت في جلسة واحدة وبتوصل فكرة بنغفل عنها كتير وبقت منتشرة بشكل كبير في مجتمعنا.

عنوان وغلاف ملهمش علاقة بالمحتوى الا من بعييييييد

كنت فاكراها خيال علمي والله ووثقت في الاسم والغلاف والمقدمة الحلوة فعلا

بس متخيلتش ان في السن ده يتضحك عليا واقرا رواية من روايات الحب الحلال تاني اخر مرة كانت في تانية اعدادي وربنا تاب عليا :"

الكتابة حلوة والاسلوب يشد بس خسارة النهاية المريبة وخسارة حكم مدرستي نظيفة متطورة اللي طلعت في النص دي

حاسة ان اللي كاتب النص الاول من الرواية حصله تغيير في شخصيته وبعدها كتب النص التاني وقرر يدينا نهاية من ساتة ابتدائي ولأن الحلال أجمل سأنتظر والخير بينتصر عالشر :D

كنت متأثرة بحادثة الانتحار في الرواية وشايفة ان ملهاش مبرر خالص بس بعد النهاية دي حسيت انه دي كانت نعاية الشخصية عقابا ليها عالحاجات الغلط اللي عملتها مثلا.

أحزنني.