القصة وما فيها من غير تطويل ولا إثارة وتشويق
لان الرواية ناقصها من وجهة نظرى حاجات كتير علشان تبقى قصة محبوكة التفاصيل..
النبذة جرجرتنى وشدتنى قولت وماله نرجع للرومانسية المنسية
بنتين فى اسكندرية نزلوا المياه
واحدة بتغرق فى شبر مياه 💦 والتانية بتصوت عليها من جوايا المياه برضه 😁
يجى الفتى الهمام 🧑🏻🦱 اللى هيفضل فارس الاحلام 🏇🏻
طول الصفحات 📑 ويفضل دايما على البال بعد ما نط 🏊♂️وانقذ البنت من الامواج 🌊ومانسيش صاحبتها يشدها معاها هى كمان ..
ولا عارف ملامحها ولا هى عرفت تلقط شكل منقذها 💪🏻
قوم ايه بقى تفضل على أمل اللقا🤗
سنين وسنين وكم الصدف يبقوا ماشين جنب بعض ومش حاسين
هو فى باله هى 👩🏻
وهى فى بالها هو 🧑🏻🦱
اشارة مرور بقى 🚦
محل بتاع فول 🧆
قهوة من عند الواد كتكوت ☕️
المهم انهم بيخبطوا فى بعض طول الرواية من غير ما يخبطوا ( فاهمين ) 🤷♀️
يعنى بيتلاقوا من غير ما يبقوا عارفين 😌
وخد على كده طول الرواية فى اسلوب بسيط جدااا ينفع اليافعين لانها مفهاش اسفاف ولا كلام +18
بس خلاص كده c’est fini ✅
آه نسيت اقول أن الحاجة الوحيدة اللى عجبتنى فى الرواية
دور " تشوكا " أخو البطلة استفدت من وجوده كتير ولولاه مكنتش كملت صفحتين …حبه للتصوير 📸عرفنى معلومات كتبر عن صور اتلقطت 🤳فى بلاد مختلفة كانت سبب فى تغييرات بيقولوا حصلت بعد ما الصور اتنشرت والله أعلم …🤷♀️
