اقتباسات من كتاب سلام أسود

يعني محدش هيقولك الكلام ده صراحة كده، بس الأنانية بتدي قوة، قوة جاية من اهتمامك بنفسك، وثباتك على مبدأ إن راحتك أهم وأولى من راحة الآخرين، إستريح عشان تعرف تريح، عشان إحساسك باكتمالك مهم.

الطبيعة البشرية شبه الحياة البرية، جذابة جدًّا في حلاوتها، وليها رونق وسحر بس خطر! خطر يعني خطر، والغدر فيها بيعور جامد.

التقل مساحة بتديها لنفسك ولشخصيتك ولحبك ولعقلك، ولجسدك في بعض الأحيان، مساحة خاصة جدًّا ومريحة جدًّا ليك لوحدك، حدود وجودها مهم وضروري عشان محدش يقرب أكتر من اللازم ويضعفك أو يهز إحساسك بالأمان

خد بالك، الحزن يتحب بسرعة، صاحبوه واحترموه، بس متحبهوش.

الخيال بوابة على عالم، الحقيقة الوحيدة فيه هي إنت.

طيب هو مهم أوي يعني التقل ده؟

⁠‫الحقيقة إنه مهم جدًّا ومش لازم أبدًا نسميه تقل!

⁠‫إحنا ممكن ببساطة نسميه إجراء احترازي وقائي، والوقاية دائمً ا وأبدًا خير من العلاج.

افتكروا كام مرة كرهنا ضعفنا تجاه حد بنحبه، ومفكرناش ولا مرة إنه لو كان الشخص الصح كان الضعف ده هيتقدر جدًّا؟

ياما حاولت أقولك

ما ضيعش اللي باقي

في قلوبنا وعمرنا

إنت اللي قسيت علينا

سهرت دموع عنينا

ما رحمتش قلبنا

كان نفسي ألاقي عندك

الراحة في يوم وارتاح

لكن إنت طلعت خاين

وطريقك كله جراح