اختراع_هوميروس
✴️ الكاتب : طارق هاشم
✴️ دار النشر : أقلام عربية للنشر والتوزيع
✴️ عدد الصفحات : 64 صفحة
أول حاجة لفتت نظري كانت الغلاف.. عجبني جدًا، وأول ما شوفته افتكرته كتاب فانتازيا خصوصًا مع الاسم، لحد ما لاحظت كلمة "شعر".
أنا في العادي بقرأ روايات بس، والاشتراك في المسابقة دي خلاني أجرب أنواع مختلفة. قرأت روايات ومجموعات قصصية وكتب، وكان ناقصني الشعر. وبما إن بابا كاتب وشاعر فأنا متعودة على قراءة الشعر، فقلت أجرب ديوان جديد، وبدأت رحلة البحث في دار أقلام عشان لسه مقرأتش ليها غير عمل واحد.
أول انطباع جه مع أول قصيدة.. كانت مرحة جدًا وخلتني أضحك، وده شجعني أكمل باقي الديوان. لقيته خفيف، سهل القراءة، وكلماته جميلة ومميزة. يمكن حسيت إنه أقرب للنثر من الشعر التقليدي، لكن ده مخلاش المتعة تقل. بالعكس، لقيت نفسي بحب كل قصيدة أكتر من اللي قبلها.
في النهاية، كانت تجربة حلوة جدًا وخفيفة على القلب. وبما إن ده آخر ريفيو ليا في المسابقة والعاشر كمان، أحب أشكر شريهان على التجربة وأقولها: "أبوس إيدك متخترنيش للمرحلة الجاية.. أنا اتسحلت كفاية".
اقتباسات:
❞ تذكرتك نعم
وأنت تعبرين قلبي
كرسول أنكرته قبيلته
فارتد إلى الصحراء مهزوماً
الألوان جحدتك يا طفلتي
فلا تجرحيني بالغياب ❝
