📌 إحنا في زمن الواحد يصدق فيه أي حاجة في أي حد حتى لو معاشره ميت سنة .
طيب بتعرفهم ليه يا جدعان
بدل ما أنتم مش مديين ليهم الأمان
علشان المصالح يا مان 🤷♀️
ده مصلحتى اداديه واطبله كمان واعليه
مش معناه أن عاجبنى الحال اللى هو فيه
أو أنى موافقه عليه
بس بينا بزنس وشغل كبير مش هينفع أنحيه
وأقول الباب اللى يجيلك منه الريح
مش هينفع اسده لأنى مش هستريح
أصل بيجيلى منه فلوس 💵 ومنافع كتير
ده أنا هفتحه على الآخر وأرحب بالريح 😁
مش مهم سمعة تطولك تضر بيك
كله بيغمى العين ويحط سماعات 🎧على الودنين 😎
أشغل نفسى بقى ليه
ماهو كده كده هيفكروا فينا شمال ويمين
يبقى نمشى شمال ونكسب قرشين
ده حال أغلب اللى حوالين " عامر " صاحب الاسم الكبير - المحامى اللى مفيش قضية تفلت من تحتيه صاحب ملايين وماسك شئون قانونية لشركات كتير
بس مش كل اللى حواليه ظاهرين له اللى جواهم دول كاتمين وساكتين وعنه مخبين حفر 🕳️ كتير هيوقعوه فيه وكانت الحفلة عليه يوم عيد ميلاد 🎂 بنته كله سن السكاكين ومن يومها اتشقلب حال العيلة ديه 🥺
رواية حبيتها كتير كتير مليانة تحقيق ونيابة وبوليس وأسرار مدفونة وجه أوانها للظهور … ومع أن طول الرواية سين وجيم 🔖 من المحققين 🕵🏻♂️ مع كل شخص كان مدعو فى الحفلة اياها
إلا أن التحقيق كان ممتع للغاية وماتحسش بأى ملل أو زهق لأن مع كل شخصية هتسمع العجب.
أرشحها لهواة الجريمة والتحقيقات هتستمتعوا بكل تفصيلة فى الإستجوابات 🤩😎
وياترى حكمكم هيبقى نهائى على أى شخصية من الشخصيات 😉
#مكتبة_دنيا
#قراءات_٢٠٢٣
