اقتباسات من كتاب ذكر شرقي منقرض

❞ الشخص النرجسي ده حد وصّل له طول عمره إنه مايستاهلش.. فقرر يصدق إن مافيش حد يستاهل غيره.. ❝

❞ إحنا عرَضنا الأعراض والأنواع علشان نتعاطف مع هذا الإنسان.. اللي هو في الأول وفي الآخر إنسان.. مش علشان نرجمه بنظراتنا، أو نشنقه باتهاماتنا، أو نجلده بألسنتنا.. ❝

❞ أنا لما أعامل أي حد على إنه المصدر الوحيد للأمان هيبقى «فرعون».. ولما أحسس أي شخص إنه المصدر الوحيد للحماية هيبقى «فتوة».. ولما أفهّم أي راجل إنه المصدر الوحيد للقوة هيبقى «ذَكَر شرقي مُنقرض».. إلا مَن رحم ربي طبعًا ❝

❞ بجُملة شهيرة للشاعر مُريد البرغوثي:

⁠‫«عدو المرأة الحُرة ليس الذَّكَر المُتعالي فقط، بل عدوّتها أيضًا المرأة الراضية بالعبودية».. ❝

❞ بالمناسبة.. من ضمن الاحتياجات النفسية الأساسية اللي بنتولد بيها «احتياج إن حد يقول لي لأ عند اللزوم».. انتم كده بتخلقوا وحوش آدمية تَعِيث في نفوس زوجاتها فسادًا.. ❝

❞ أحد شُركاء (وداعمي) صناعة الذَّكَر الشرقي، اللي بيقهر الأنثى، ويهينها، ويتعالى عليها، هو المرأة الشرقية نفسها.. واللي بتكون أحيانًا أكثر ذكورية من الذَّكَر الشرقي ذاته.. ❝

فإن الطلاق/ الانفصال بيكون أصعب على الرجل- في أحيان كتير- من الست، وبيقاومه حتى آخر لحظة..

الذكورة هي الجنس.. الرجولة هي السلوك..

‫ الذكورة هي البيولوجيا.. الرجولة هي الموقف.

‫ معروف عن الرجل الشرقي إنه رجل شهم، وشجاع، وغيور.. يحمي أهله وبيته بعُمره.

صدر له ثلاثة كتب باللغة العربية: «الخروج عن النص»، و«علاقات خطرة»، و«لأ.. بطعم الفلامنكو».

كلُّ كلمةٍ هنا تحتملُ الخطأ والصَّواب.. وتخضعُ للنقد والتفنيد.. ويُؤخذ منها ويُرد عليها.. وليس لها أيُّ هدفٍ سوى نشر التوعية النفسيَّة باستخدام لغةٍ سهلةٍ ومفرداتٍ بسيطةٍ، اجتهدتُ في فهمها واستيعابها وتوصيلها قدْر المُستطاع.

‫ المؤلف

مهم يوصل للطفل من أمه في المرحلة دي رسالة واحدة بسيطة جدًّا. مفادها «وقت ما تحتاجني. هتلاقيني». يعني وقت ما يحتاج يرضع. يلاقيها موجودة. وقت ما يحتاج يتحضن يلاقيها متاحة. وقت ما يحتاج ينام بين إيديها. يلاقيها حواليه. مُهم يوصل

المرحلة الأولى اسمها «المرحلة الفمية»، وهي من وقت الولادة حتى سن سنتين..

لو كانت الأم بقى غايبة كتير.. مشغولة معظم الوقت.. مهملة.. فده هيوصّل رسالة للطفل بتقول: 《ماتثقش في حد.. مش هتلاقي حد جنبك وقت ما تحتاج.. أي حد ممكن يخونك ويخلى بيك》

الذَّكَر الشرقي عايش طول الوقت في حالة خوف.. هلع.. تهديد.. أحسن يضعف.. أحسن يطلع مش كفاية.. أحسن يخذل مَن حوله.. أحسن يترفض..

عارفين لقيت إيه أكتر حاجة بتسبب الشعور بالخزي والعار عند الرجالة؟ الخوف من الضعف. الخوف من إنه «يبدو محتاجًا». الخوف من إنه يظهر أمام الناس (زي أهله وعِيلته وأولاده وأصحابه) على إنه «مش كفاية». والخوف إن كل ده يتسبّب في رفضه..

أنت قدام حد مش مسموح لدموعه إنها تنزل.. مش مسموح له يعبر عن فرح أو حزن أو رقص أو بُكا.. مش مسموح له إنه يحتاج حد يسمعه.. أو حد يحس بيه.. أو حتى حد يساعده.. مش مسموح له أصلًا..

أنت جِيبت حد. وقولت له بُص. إنت دورك في هذا البيت إنك أنت السند. أنت الضهر. أنت الحماية. أنت العضلات. مطلوب منك تبقى عائل هذه الأسرة ومدعمها. تمدها بالفلوس وتحافظ على استقرارها المالي والاجتماعي، علشان نعرف نعيش في أمان. إزاي الشخص ده يبقى عنده رفاهية حتى أنه يحس؟

❞ «أصعب حاجة في الدنيا إنك تتغير. إنك تغيّر حاجة اتولَدت عليها. واتربيت عليها. وعِيشت بيها سنين طويلة من عُمرك. التغيير معناه إنك هتبطل تسجن نفسك في عيون الناس. وهتبطل تخاف من كلام الناس. وهتبطّل تعمل اعتبار لأحكام الناس. التغيير معناه إنك هتبطل تسجن نفسك في عيون الناس. وهتبطل تخاف من كلام الناس. وهتبطّل تعمل اعتبار لأحكام الناس. التغيير معناه إنك تبتر حتة منك. وتعيش من غيرها شوية. لغاية ما تحصل المعجزة. ويحل محلها (من جوّاك) حِتة تانية. أجمل وأنضر وأنضج». ❝

شغل بيت إيه ده اللي يتعبك؟ ده أنا أعمله بصباع رجلي الصغير… وهو لو عمل كوباية شاي يفتكر نفسه «Brave Heart».

الذَّكَر الشرقي بيختار وينتقي ويفسر من الدين، بالشكل الذي يُرَسِّخ في عقله وفي وَعْيه الأفضلية والعلو والتفرد على المرأة