مراجعات رواية التعويذة الخاطئة

بصرف النظر عن ان الرواية للروائي الكبير أستاذ محمد عصمت كاتب الرعب

بس هي الرواية ليها طابع كده لذيذ ( رواية بالشيكولاتة )

الي فهمته من اسمها انها المفروض رواية رعب ساخر

بس بقدرة قاادر تحولت لرواية كومي\يا من العيار الثقيل

بجد يا استاذ محمد حضرتك أبدعت في الرعب والكوميديا

انا قرأتها في ساعتين

وكنت بموت من الضحك طول الساعتين بجد أدهشتني

اي نعم زعلان منك علشان موت الزومبي

أي نعم زعلان منك علشان سبت مديحة وما موتهاش بدل الزومبي

بس بجد أفتخر ان الرواية دي عندي في مكتبتي

" "عندما يحاول الكاتب الإستظراف"

بستغرب على اننا وصلنا لمرحلة ان "الهراء" والتفاهات بقت تتعمل كتب -_- والناس تقراها .. لأ وتنجح كمان يا ما شاء الله :v

قمة السخافة والاستظراف .. حاولت اضحك معرفتش الصراحة -_-

خلصت الرواية ومستفدتش بأي حاجة ...

بعد الممسوس فكرت ان اسلوب الكاتب وأفكاره ممكن تتغير للأحسن :) لكن للأسف أثبتلي ان قدرته على الكتابة ركيكة ساذجة وتحمل معها كثييييير من السطحية والإستظراف ..

انا مش عارفة هنقول إيه للجيل الجديد عن الاعمال الأدبية اللي موجودة دلوقتي -_-

زمن الادب الجميل راااح يا قبطان :3

نجمة ولو كان في أقل من النجمة كنت اديتها لهذا الهراء :)

انا مش فاكرة انا اشتريت الرواية دي في اي ظروف لكن عارفة اني بدأت قراءتها سد خانة ودلوقتي انا ممتنة لان الرواية دي فكرتني انا ماقراش لكاتب من الشباب غير بشهادة حسن سير سلوك من اتنين بوكتيوبرز باثق فيهم.

فكرة الرواية حلوة، السرد دخل في سكة الملل واللف في دوائر بسرعة رهيبة رغم قصر الرواية، الشخصيات بجد كريهة جدا وماحدش فيهم قدر يخليني اتعلق بيه أو اتعاطف معاه أو أتفهم دوافعهم، كلهم كانوا بيتنمروا على بعض و طبعا لو اتكلمت عن رأيي في الشخصية النسائية اللي فريق الشخصيات الأساسية من وجهة نظر ست مصرية هاجيب اللي في بطني من مجرد التفكير في الموضوع.

تجربة سيئة هحاول مكررهاش تاني

قرأته عن طريق المصادفة و الحق يقال فلست ممن يعشقون كتاب الحداثة

لذا ربما كان تقييمى غير منصف فليس لدى مخزون سابق من الأعمال الحديثة ليقارن به(بإستثناء عمل لهذا و اّخر لتلك)

عموما أعجبتنى الفكرة

الرواية لطيفه فى بدايتها لكن النهاية مفتعلة إلى حد كبير

لا أشعر أن لدى الكثير لأقوله عنها خيرا أو شرا و لا أظن هذا فى حد ذاته مديحا

حلوه جدا فعلا و ضحكت كتير و انا بقرئها فعلا اتبسط بالجزئين و فعلا حبيت مقدمة الجزء التانى و ضحكت رغم انى اشترتها على انهم رعب بس طلعت كوميدى و يمكن دى اول روايه اقرئها كوميدى بس حبتها اوى و فعلا كنت اتمنى لو فى جزء ثالث

نجمة واحدة حلوة أوى علية . عندما يحاول الكاتب حشو كلمات فى صفح لانشاء كتاب . مملة جدا . حوار سوقي لدرجة انك تقرف منه . لا رعب و لا كوميديا ولا ميكس بينهم . دة حاجة كدة زى الملل . ندمان انى قرأتها .

الكتاب ليس بالفصحى مما يصعب على الكثير فهمه لأنه مصري "بحت"لا أنصح به البته