- فى البداية : إلى حد كبير إتأثرت بشخصية "ضحى الكناني " عجبنى وقفتها مع نفسها جدااااا وكم اننا فعلا جميعا وخاصة فى الوقت ده بحاجة للوقوف مع نفسنا وقفة صريحة .... هى كانت ايجابية وتشجعت وتخلصت من قيود وسجن حياتها فكانت النقطة الإيجابية فى الرواية .....
- ثانيا : الرواية بشكل عام رغم ان احداثها ثورية ومتصارعة وما الى ذلك لكنى حسيتها رغم كل ده فاضية مفيش قوة فى الحداث ويجوز ده يكون بسبب توقيت القراءة - بعد الثورة - وليست قبلها حتى انى رجعت كذا مرة لتاريخ نشر الرواية اتحقق منه وجدتها يناير 2011 لا أعلم كان قبل الثورة نفسها 25/1 أم بعدها .... ولكن على كل حال هى نقلت شكل موجز وسطحى ومكرر كسيناريو لأى مظاهرات كانت تحدث قبل ذلك ...
- افتقرت بالنسبة لى لحبكة أقوى من كده فمثلا عبد الصمد هل كان حادثه مع الرجل الثري منطقي أو مبرر بشكل أو باخر وحكاية الرجل الثري لم أفهم أصلا فى البداية إيه قصته فدخل الأحداث بطريقة عجيبة غير مبررة وكذلك حكاية أم أيمن !!! ....... فى شيئ غير مضبوط فى الرواية ككل أو بمعنى أصح حلقة مفقودة فى كل شيئ فيها أفقدها كتير اوووى ..........
