شاي بلبن

هخليك صفحة من الماضى

ما حلمى بايدك اتهدم

عليك بعلن انا حدادى

عليك ببكى وبندم

من اكتر الشعر العامى اللى حبيته

كلامه بسيط وواصل احساسه اوى

عجبنى الشعر اللى بتتكلم فيه الكاتبه عن مصر

كلامه بسيط بس فى نفس الوقت بيوجع اوى

ديوان رائع وشعر عظيم بجد

عجبني الشعر كله عموما

بس الأحلى اللي كان عن البلد

أتمنى أشوف أعمال تانية للكاتبة

وانها تستمر

جميل جدا واسلوبها رائع عجبنى جدا سيبه على الرصيف وعاملها خاطر وانا العايش وعايش فى الشوك وجنة

جذبنى الكتاب منذ الصفحة الأولى بل لشد ما أعجبت به قرأت الكثير من الشعر العامى ولكن بطعم البداية فى هذا الكتاب لم أجد !! ولكنى مازلت أقرأ وأقرأ حتى بدأ يتسرب إلىّ شىء من احساس بالنمطية وتكرار المواضيع وخاصة مايحمل منها الطابع الوطنى دونما تفرد فى طريقة العرض ففى أنا مصرك مثلا كررت المعانى بصيغ مختلفة وشعرت بالإطالة بلا داع وأما قصيدة

اقف عندك أوقفتنى ربما لأنها تناجى لسان حالى الذى ينطق لذاتى تلك التى باتت رهينة لحيرة الحلم كونه مستحيلا أم مؤكدا ..فتكلمت عنى وتكلمت لى أيضا ..أحببتها جدا وإن كنت أجد -وهذا بالطبع من متواضع الرأى -أن الكاتبه لو وازنت بين اللونين اللذين ذكرتهما فى أول كتابها الابيض والأسود الذان بدورهما يشكلان شاى بلبن فتارة تحكى عن الألم وتارة عن الأمل وأخرى تحكى عن العشق المستحيل للوطن والحب الإنسانى بيننا فى هذا الزمان وهكذا دواليك ..لكان خليط القصيدة كخليط الشاى باللبن ولأحتفظ بتسلسل خاص فريد .

..

ولكن بالنسبة لتجربة أولى هى رائعة وممتازة للغاية وأسلوبها راق ورقيق للغاية تكتب العامية بأنامل ناعمه للغاية ..وسيسعدنى حقا لو قرأت لها جديدا فلقد أسعدتنى بقراءة كتابها هذا للغاية

وليه راضي ؟

ضعيف دايماً .. كده مسلم

وييجوا عليك .. تقول عادي

وجواك تبكي تتألم

وليه حسك كده هادي ؟

وليك الحق تتكلم

وليه حزنك ده قاضي ؟

وفيك الفرح متكتم ..

وليه بتنهار كده قصادي ؟

كأنك طفل لمتيتم

وليه نهارك كده رمادي

ونورك مطفي ومعتم ..

وليه تسكت ؟

وليه راضي ؟

وجرحك فيك كده معلم

هخليك صفحة م الماضي

ما حلمي بإيدك اتهدم

عليك بعلن أنا حدادي

عليك ببكي وبتندم

...............

رائعة :)

كتبت مراجعة على هذا الكتاب .. وضاعت ..

.

ديوان جميل .. قرأته في بدايات الشتاء ..

وتستحسن قراءته الآن .. يبعث على الدفء :)

كتاب خفيف و بسيط عجبنى بعض قصائده مع انى مش بحب الشعر قوى بس اغلب قصائده تستحق الاحترام بس تركيب الكلام على بعضه كان مبوظ بعض القصائد وكدة مع الوقت و التجربة ان شاء الله هيكون فى احسن

الكتاب جميل وممتع ومن اكتر الشعر العامي االي عجبني وشدني