دى النتيجه لما أستاذ جامعى معروف بفكره المختلف و فلسفته الخاصه فى التدريس و البحث يقرر يكتب روايه .
و من زمان و احنا نعرف مهاراته الإستثنائيه فى الإلقاء و الكتابه
و طريقة العرض المميزه
هى مش رعب
من وجهة نظرى تصنيفها اجتماعى
اينعم فيها كلام عن عودة الموتى للإنتقام
لكن اسلوب الكتابه كوميدى جدا في وصف الحوار
بل كنت بضحك احيانا كتيره
و كمان له فلسفه خاصه في وصف الافكار و سرد الاحداث
تخليك تطرح نفس الاسئله على نفسك
ماذا لو كان الماضى بيطارد الانسان و بيدفع فعلا تمنه و هو حى …
مهما حاول يغير مكانه او هويته؟
عجبنى انه مش بيقدم الفكره بشكل مباشر
و يقول فكر فى كذا و يحطك فى مواجهة مباشره
لكنه بيسحبك جوا احداث تدريجيه ، يخليك تتعلق بالشخصيات و تتابع مصايرها و فجأه تلاقى نفسك
انت اللى بدأت تسأل الاسئله دى
و دا فكر فلسفى بامتياز
و الطريقه دى فى السرد فكرتنى جدا بأستاذى أيام الجامعه، نفس الأسلوب اللى عهدناه منه أثناء تدريسه لينا: مايفرضش عليك الفكره، لكنه يقودك ليها بهدوء لحد ما توصل لها بنفسك.
تجربة قراءه مختلفه و ممتعه جداً
و فى انتظار المزيد
