مراجعات رواية قضية (السبعون)

قضية السبعون - محمود وهبة 📚

🔷️️اسم الرواية : قضية السبعون

🔷️️اسم الكاتب : Mhmoud Wahba

🔷️️نوع الرواية : جريمة / غموض /تشويق

🔷️️اصدار عن : Darak publishing - دارك للنشر والتوزيع

🔷️️عدد الصفحات : 200 صفحة

🔷️سنة الإصدار : 2026

🔷️️التقييم : ⭐⭐⭐⭐

- محاطون بالظلام والأسرار نسير ضمن ترتيبات وأفكار مزروعة ومحاولات للسيطرة ونشر الخرافات و الجهل ، تلك لعبتهم التي نجحوا فيها في معظم الجولات ، ولكن هناك نور وهناك وعد بإنتصارنا في النهاية ...

- الرواية تأخذنا دون استراحة في البحث عن الحقيقة ومحاوله معرفه الجاني ! مع عصام الصحفي المشهور الذي يعمل في جريدة صديق والده الأوفى "فريد الشناوي " حتى يقرر ان يخبره بسر عظيم هو وصديقه الآخر " فادي " لتنقلب بعدها حياة عصام رأساً على عقب خاصة بخبر قتل " فريد الشناوي " ...

- في احداث مترابطه وسرد قوي متمكن ننتقل بين شخصيات الرواية محاولين معرفه الجاني مع شك محتمل في كل من حول عصام ، وشك في عصام نفسه ، انهيتها في يوم واحد لشدة اندماجي معها وتحمسي لمعرفه ما سيحدث ...

- فكرة الرواية قويه ومناسبه للأجواء العامه في العالم حالياً حتى اني شككت ان تكون كتبت الآن من واقعيتها ، تحيه للكاتب على المجهود المبذول والتمكن في الطرح ، هي قرائتي الثانية للكاتب ومازال يبهرني ....

🔷️ملاحظاتي على الرواية :

- وجدت الجزء الخاص بالحرافيش والزواحف غير مفهوم او منطقي مع تسلسل الاحداث ..

- النهاية توحي بوجود جزء جديد وتكمله بالرغم من منطقيتها وملائمتها للأحداث. ..

🔷️ في انتظار الأعمال القادمة بكل شغف ...

تخيل تكتشف إن اللي حواليكي مش زي ما المفروض يكونوا عليه.

يعنى ايه 🤷‍♀️

متنكرين 🎭

لأ

ملبوسين 👻 لأ برضه هما بس لابسين شخصيات غيرهم بس بنفس وشوشهم

روحهم مختلفة عن اللى تعرفهم

حاجة مرعبة صحيح 🤔

يعنى تخيل صاحبك الشكل هو

بس من جواه مش هو 🤷‍♀️

بتتعامل معاه ليل ونهار وهو بيضحكلك عادى وبياخد ويدى معاك ويشاركك يومك ويطبطب على جروحك

بس من جواه اللى بيحركه لحد ما يوصل لهدفه اللى متبرمج عليه وهوووب على فجأة القلبة هتظهر وأنت مدى الأمان له 🥹

ديه بقى قضية "السبعون".. اللى تولاها ٣ أصدقاء وحاولوا يكشفوا مخططهم للناس

لكن الحظ ما حالفهمش

وبقوا مصدر إزعاج لمؤسسيها فى كل البلدان وعليه بقى هدفهم يتخلصوا منهم ومن كل اللى عرفهم على حقيقتهم ويحاول يكشفهم …

مؤسسة ولا رابطة ولا ألتراس 🤷‍♀️ مين بيدعمهم وبيمولهم ده اللى هيحاول يكتشفه الصحفي " عصام " بعد ما شاف الأوراق اللى سابها باباه وكان فاكر أن موته بسبب حادثة هو له يد فيها وفضل مأنب نفسه سنين عليها لكن الحقيقة كانت فى " السبعون"

رواية رغم أنها مش ذوقى صحيح فكرة نظرية المؤامرة وأن فيه مخطط مش نوعي ومش بحب أعيش فيه 😄 أصل مش ناقصة روشة 🤦🏼‍♀️

الدماغ كانت متظبطة أنها داخلة على رواية جريمة بس طلعت ميكس بين جرائم كتير ومخططات

بس مضايقتنيش الصراحة وتعايشت مع عصام فى التحقيق وشكيت فى اللى حواليا واللى كان كان 😄 وقلقت من فكرتها وكده يبقى الكاتب عمل اللى عليه وتمام 👌😄

أما النهاية بقى ….. فـ مقلقة برضه تفتكر الكاتب هيريحك يعنى ده كفاية الغلاف🤷‍♀️

بس عندى استفسار بسيط عن قصة الزواحف علشان مافهمتهاش لو الكاتب مشكور يوضحلى النقطة ديه 😁