مراجعات رواية قصر الخطايا⁩

مستغرب بجد من الناس اللي كاتبه تعليقات سلبية واضح أنهم متعودين على الكتب اللي مفيش فيها هدف الرواية فيها فكرة الكاتب عايز يوصلها للقراء من خلال أحداث ومصير كل شخصية وحياتهم وبين السطور فيه معاني إنسانية وفلسفية من الواضح إن الناس مخدوش بالهم منها والغريبة أن ناس تقول إنها للأطفال مع إن الخطايا بتاعت الشخصيات لا تتناسب أصلا مع الأطفال فازاي حد يقول إنها للأطفال لغة الرواية لغة فصحى واضحة لكل مستويات القراء والناس اللي بتقول إن فيه تكرار ده أكبر دليل أنهم مفهموش الرواية من الأساس لأن الاحفاد ورثوا نفس خطايا الأجداد فطبيعي تكون الخطايا واحدة باختلاف الأزمنة والناس اللي كل طرف تعامل معاهم لكن الخطايا واحدة لأن الأجداد مكنوش كفروا عن خطاياهم فورثوا الأحفاد الخطايا دي. ياريت الناس قبل ما تفكر تهاجم أي عمل تقرأ بروية وهدوء ويفهموا الأعمال والفكرة الأساسية منها قبل ما يقفلوا الكتب ويقولوا رأيهم لأن كل كاتب لما بيكتب عمل بيكون ورا العمل هدف وخصوصاً لو فكرة إنسانية وفلسفية... رأيي الشخصي العمل رائع وبيوصف الشخصيات اللي حوالينا في المجتمع دلوقتي واللي للأسف الشهرة اللي احنا اتسسبنا فيها خلتهم يشعروا بالغرور اللي بيخليهم يعملوا أفعال غريبة فى الواقع وده اللي الرواية بتتكلم عنه بشكل غير جارح أو خادش للحياء زي كتب كتيرة للأسف بس واضح إن الناس من كتر ما تعودت على الألفاظ الغير لائقة بقت بتفكر إن العمل لو خالي منها أنه عمل ممل حاجة غريبة بجد.. أقروا وافهموا قبل ما تسيبوا الكتب من ايديكم

الفكرة جميلة بخصوص انو اعمال الانسان وظلم الاخرين هو مجرد ظلم لنفسك لكن الاسلوب ممل وخاصة مع تكرار الخطايا سواء للشخصيات او تكرار الشخصيات مع الاجداد

فكرة كويسة بس التنفيذ افقدها كتير من جمالها قصص الخطايا مكرره و متوقعه مفيهاش جديد

لم تعجبني ولم استطع اكمالها

فهي موجهة لفئة المراهقين

وشعرت ان الشخصيات اعمارهم لا تتناسب مع حواراتهم او افعالهم

رواية تقريبا للأطفال.. الكاتب أفكاره شديدة الضحالة..غالبا مفيش أفكار أصلا.. تكرار في السرد والحوار ممل بشكل فظيع.. الكلام هو هو بيتكرر ويتعاد.. لو حذفنا كل الكلام المكرر اللي ملهوش لازمة الرواية هتصفصف على عشرين صفحة بالكتير

قراتها قراءة سريعة سطحية للانتهاء منها دون تضييع وقت عليها

قصة كتبت بأسلوب خالي من عناصر التشويق و الغموض و يعتمد على السرد و التكرار.