مراجعات رواية قيدت ضد الشيطان: سلسلة جنايات - العدد الأول

جريمة قتل ثلاثية شيطانية !!

الرواية بتبتدي بهدوء على شاطئ البحر وفي استجمام لذيذ كلنا بنتمناه لكن بمكالمة الوضع بيتقلب كل ده لما كريم بيتصل بصديقه جاسر اللي مش بيرد عليه فيتصل بزوجة صديقة انجي اللي بتبلغه انها في الساحل ومتعرفش عن جوزها حاجه وكمان متخانقه معاه وعملاله بلوك🙄

بيستمر الوضع 3 ايام بين اتصالات وقلق وتجاهل للزوجة اعتقادا منها ان الزوج بيضغط عليها لحد ما يجيلها تليفون ان الزوج مات وهنا تبدأ سلسلة من الاسرار في انها تنكشف علشان تكتشف ان زوجها اللي عرفته من سنين شخص تاني خاااالص غير اللي الناس بتحكي عنه وتتضارب الاقاويل ما بين سلوكه منحرف او سليم وبين حبه لها او لا وكمان شركته واعماله مصيرهم ايه وكمان حنلاقي شبهه جنائية في موته ولكن هل حنعرف الجاني ولا حيفضل سر وتحفظ القضية ضد شيطان قصدي مجهول.

عمل جنائي بحت وقضية متشعبة كل شوية فيها خيط جديد وسر جديد وفكرة ممتازة بتعرفنا ان كل شيء سلاح ذو حدين والعلم زي ما بينفع بيضر الفيصل هو طريقة استخدامه .

حبيت القضية وخصوصا انها كانت سريعة وشيقة ده طبعا بخلاف الفكرة نفسها إزاي تخلي حد ينهي حياته بأيده من غير مايحس وبدون ماتثير الشبهات حواليك لو اتعلمنا حاجه يبقى إن كيدهن عظيم ده طبعا بخلاف امشي عدل يحتار عدوك فيك وأرجع وأقول الطريق البطال اخرته وحشه🤷‍♀️😌

#قيدت_ضد_الشيطان

#رحاب_فكري

#جنايات

الجميل أن الكاتبه لعبت بذكاء مع الكتابه وجعلت عنصر التشويق موجود ولكن هناك عدت نقاط لابد من فهمها وتوضيحها واتوقع أنها موجوده في الأجزاء الأخرى والله أعلم

حلوة جدا رغم نهايتها الغريبة♥️

الرواية: قيدت ضد الشيطان.

الكاتبة: رحاب فكري.

دار النشر: سما.

عدد الصفحات:91.

في قراءة أولى للكاتبة رحاب فكري، نبتدأ في سلسلة جنايات، حيث يبدأ العدد الأول بوفاة المهندس الشاب جاسر، حين كانت زوجته إنجي وابنتها ريتاج في رحلة على الساحل الشمالي إثر خصام دب بينهما، لتتوالى الأحداث باكتشاف زواجه من أخرى تدعى صابرين، وانفصاله شركته عن عاصم، وتولي النقيب خالد القضية، مع قلة الأدلة وإشارتها إلى وفاة جاسر بطريقة طبيعية، تغلق القضية مع عدم رضا خالد، واكتشاف حل الجريمة غير المتوقع.

اللغة سلسة وبسيطة، ولكن الحبكة كانت معتادة والحوار كبير فلم تتبين لي الشخصيات أكثر.

أتطلع قدماً لقراءة الأجزاء التالية.

#أبجد

#قيدت_ضد_الشيطان

#رحاب_فكري.

🙂رائع