كان بالإمكان افضل مما كان
متابعين لاشين و و بعد منتصف الليل علي أوديوهات سمعه كتير عن كتاب أشباح الموالد سبب شهرة سهير زاهر.
و ده جزء من مغامرات سهير زاهر قبل دخول لاشين حياتها بصراحة كنت متحمس جدا و تحمست له أكتر من ما نزل بشكل صوتي علي يوتيوب.
لكن تم تنفيذ الفكرة بشكل في رأي المتواضع غلط و ده اللي انا هحاول اوضح وجهة نظري فيه.
انا معترض علي وضع كلمة رواية علي الغلاف لاني مفيش رواية دي مواقف متفرقة و حكايات عن كل مولد.
و ده هيبقي تاني عيب بالنسبالي كان ممكن نستكفي بذكر الموالد من غير تفاصيل كل مولد و نفرد مساحة أكبر للموالد اللي مش مشهوره.
العمل كان ماشي بجزء من المغامره و الفصل اللي بعده بنكلم عن مولد فأنا كنت بحس بفصل من الأحداث المهمة بالنسبالي بجزء تعريف المولد
الجزء اللي ظهرت فيه دهبية كودية الزار كان ممتاز.
اعتقد لو كان العمل اتعمل كمغامرة لسهيرة علي بعد و محاولة الخروج من العالم الموازي اللي داخلت فيه جوه الزار كان هيبقي ممتاز و خصوصا أني في أفكار اتحطت حلوة بس كانت محتاجة تركيز و مساحات أكبر زي القرد و زي الراجل اللي اتحول ل حمار
و يبقي سوال بطرحه هو سلسلة لاشين قوتها في حضور الثلاثي(سهير _لاشين_ مهاب) سوا ولا ممكن لوحدهم ؟
❞ «برغوت في قط يا حوستي يا لوصتي برغوت في قط!» ❝
❞ ومولد آخر للغجر والرُّحَّل وهو مولد سيدي العريان في الجيزة، وكان يقام في صحراء المقطَّم، وقيل أن وليَّه لم يكن يرتدي شيئًا رمزًا للزهد! وكان هذا المولد ملتقى للعرافين والمشعوذين حتى أوقفته الحكومة في الستينيات. ❝