🎛️اسم العمل : تنصت

🎛️تأليف: أحمد خالد توفيق

🎛️دار نشر : رواة

🎛️مدة العمل : 57 دقيقة

🎛️قصة بديعة مزج فيها دكتور أحمد خالد توفيق بين الرعب النفسى الخيال العلمي و عالم الماورائيات

🎛️تدور أحداث القصة حول مصطفى عالم الفيزياء اللى لسه راجع من الولايات المتحدة وعندوا شغف بحجاتين عزف الكمان اللى موهوب فيه جدا والشغف التانى المشروع اللى بيشتغل عليه وهو صناعة جهاز استقبال الإشارات من الكائنات الفضائيه وانشأ مختبر خاص بيه ومحدش كان يعرف حاجة عن المختبر ده غير صاحبه عماد اللى كان محال عمله السيارات بس اوقات كتيرة كان بيروح المختبر لمصطفى ويشوف وصل لأحد فين فى المشروع اللى هو اصلا مكنش مقتنع بيه وكان عماد بيشوف أن مفيش كائنات تانية فى العالم ولا حاجة وان الإشارات اللى كانت بتوصل لمصطفى ده ضوضاء العالم زى ما بيقول

🎛️غاب عماد عن مصطفى لمدة أسبوع واحد مكنش بيشوفوا وده لان هو عمل حادثة بالعربية بس لما زار مصطفى فى بيته لاقى واحد تانى خايف ومتوتر وبلغوا أن هو هيرجع للولايات المتحدة تانى وان هو كان غلطان بشأن البحث اللى كان بيشتغل عليه وقبل ما يمشى عماد مصطفى أدالوا نسخة من مفتاح شقته

🎛️فى اليوم التانى راح عماد علشان يطمن على مصطفى لان حالته كانت غريبة جدا بس فضل يرن على باب الشقة كتير ومحدش فتح وقف عماد للحظات وبعدين افتكر أن هو معه مفتاح الشقة بس لما داخل شاف منظر بشع جدا شاف مصطفى مقتول بطريقة بشعة جدا

🎛️وقف عماد شوية وبعدين قرر ياخد الملف اللى مصطفى كان بيقولوا عليه امبارح وقرر يفهم اللى حصل مع صاحبة وده اللى خلى عماد يروح المختبر ويفضل هناك بس لما بدأ يقرأ الملف وقعد فى المختبر بدأت تحصل أحداث غريبة ومخيفة

نفس الأحداث اللى كان مصطفى كاتبه فى الملف الشكل اللى بيكون على الحائط ، الحنفية اللى بتنزل دم مش ميه اثات المختبر اللى بيتحرك لوحدوا كل ده كان بيأكد لعماد حاجة واحدة بس أن أحد الكائنات ديه كانت السبب فى موت صديقه وان هو الهدف التانى ليهم .

🎛️السؤال هنا هل فعلاً فى كائنات فضائية بتحاول تتواصل معانا

#حصاد_العام

#أبجد

#فنجان_قهوة_وكتاب

#مسابقة_حصاد_العام_مع_أبجد_وجروب_فنجان_قهوة_وكتاب