إسم الرواية..بيت السناري

الكاتب..عمار علي حسن

تاريخ النشر.. ٢٠١٦

دار النشر..الدار المصرية اللبنانية

عدد الصفحات على أبجد..٣٨٣

الرواية حازت على جائزة الطيب صالح الأدبية..

في البداية حابة أشكر الجروب على فكرة المسابقة والروايات المقترحة إللي بسببها قرأت الرواية العبقرية دي...

بيت السناري من خلال كلام السناري عنه حسيت إنه بني البيت ده علشان يحسسه بالانتماء والحب لمكان ما..هو بني وطن يعيش فيه.. لأنه مجاش مصر بمزاجه هو اتخطف وبقي عبد.. واختار المكان وكل تفصيلة في البيت على مزاجه واتعمل بتصميم معين بيعبر عن شخصه هو..

أما إبراهيم السناري بطل الرواية من خلال كلامه مع زينه وكلامه عن أمه وأبوه ونفسه حسيته شخص طيب.. رغم إنه كبر وعاش في مصر إلا إنه فضل حبه لبلده في قلبه وكان نفسه يعيش حياة طبيعية فيها بس القدر رسم حياته..ودمه كان خفيف ضحكت على المشهد لما كان متنكر ورايح يزور أهل بيته متخفي وواحدة من زوجاته بتعمله بتسلم عليه من الشباك 🙂🙂🙂

تحيلت شكله وهو طالع على السلم وبيقول لا مثيل لغبائهن عنده حق بصراحة...حزنت على وفاته وكان مرسوم حلو أوي مشهد إنه مش معروف هيدفن فين لأنه نهاية طبيعية هو في الأول والآخر دخيل على البلد..

شخصيه زينة اعتقد إنها بترمز للقاهرة..

زينة طالعه في الرواية بنت جميلة ذكيه عندها حكمة في تصرفاتها..السناري وقع في حبها ورغم كده مكنتش من زوجاته ولا جارية عنده والعلاقة بينهم كانت عميقة أكتر من كده... رغم أنها مكنتش من أهله إلا إنه وصي إن ربع ماله لها والباقي لزوجاته وأولاده..

أما حسن جعيدي هو من وجهة نظري بيرمز للشخصية المصرية الحرة إللي بتحب زينة..لو فرضنا إنها بترمز للقاهرة...هو بيحبها وبيخدمها بكل حب..وهو برضه كان طمعان في إللي هياخده منها لما تبقي معاه

خاطر علشانها كتير وطول الوقت عينه كانت عليها..

الظابط الفرنسي حب زينة ورغم كده مقدرش يطول حاجة منها..ومرجعش بلده وشرب م النيل علشان حتي لو سابها يرجع تاني..

صعب عليا الفلاحين إللي طول الوقت خيرهم بيتنهب..

والشعب قليل الحيلة إللي بيتكيف مع أي محتل غصب عنه وبيطلع من نار لنار...

آخر مشهد في الرواية صعب جداً حسيت إن فعلا زينه هي القاهره وحسن أي مصري والظابط الفرنسي والعثماني إللي مشيوا

وراها هما المحتلين...

#حصاد_العام

#أبجد

#فنجان_قهوة_وكتاب

#مسابقة_حصاد_العام_مع_أبجد_وجروب_فنجان_قهوة_وكتاب