الرواية اوحت لي كانها حكاية شعبية مع لمسات سينمائية

الكتاب لطيف ومناسب جدًا للناس اللي بتحب الروايات القصيرة والدسمة، واللي فيها فكرة مختلفة وغير مألوفة. الفكرة الأساسية ساحرة: طفلة بتتحول لراوية أفلام في زمن ما قبل التلفزيون، والناس بيستنوها كأنها سينما ناطقة.

حبيت جدًا تسليط الضوء على فن الحكي كقيمة، كموهبة كانت بتعيش جنب تصوير الفقر اللي بتعيش فيه البطلة

رغم ده، الرواية فيها قصور واضح:

الكاتب كان بيتنقّل بسرعة بين المشاهد،

الصور الكثيرة اللي قدمها كانت محتاجة سلاسة أكتر في الربط،

وفيه نقطة تصاعد حصلت في النص، لكن ماكنتش بالقوة الكافية تخليها لحظة مفصلية.

حسيت إن الرتم شبه ثابت من البداية للنهاية.

مفيش عمق كافي للشخصيات، وده طبيعي لإن الرواية قصيرة جدًا، لكن في نفس الوقت فيها افكار كتير وشخصيات كان ممكن تستحق مساحة أوسع.

تركيزه علي قكرة بحد ذاتها.

النهاية كانت جيدة واقرب للواقعية ومناسبة لقصر الرواية وجوها البسيط.

الترجمة كانت مناسبة وكانت قادرة تنقل روح الرواية بسهولة.