● اسم الكتاب : يهود الظاهر

●اسم الكاتبة :سهير عبد الحميد

الناشر: الدار المصرية اللبنانية●

عدد الصفحات: 359●

النوع: تاريخي – ديني ●

●التقييم الشخصي: ⭐⭐⭐⭐⭐

● بصراحة، أنا من الناس اللي كنت مستحيل أختار كتاب عن "اليهود" كده من نفسي، خصوصًا بعنوان زي "يهود الظاهر"، كنت دايمًا بحس إن الموضوع مش يخصني، ومش من اهتماماتي، وكنت فاكرة إن تاريخهم لا يهمني في حاجة، بالعكس! كنت مترددة أبدأ بيه أصلًا، لكن من أول صفحة، حسيت إني دخلت نفق من الحكايات اللي مش عاوزة أخرج منه.

●الكتاب ده مش مجرد حكايات عن طائفة، ده كأنك بتشوف فيلم وثائقي أدبي عن حي الظاهر وتاريخ مصر من أول المماليك، عن ناس كانوا عايشين وسطنا وبيشبهونا جدًا من بره، لكن من جوه، حكاية تانية خالص ..

●الكاتبة بدأت من الجذور… من أول الظاهر بيبرس وهو بيحط أول حجر في الحي، وبعدين شافت إزاي اليهود بدأوا يظهروا، وإزاي اتوزعوا في الظاهر والعباسية، لحد ما بقوا جزء من نسيج القاهرة.

●أكتر حاجة شدتني كانت التفاصيل الدقيقة عن العائلات اليهودية، كل عيلة وراها قصة، وراها نشاط، وراها شخصية مؤثرة. من اللي بنى مدرسة للي أسس جمعية، للي نشر مجلة، وكل ده موثق بصور وأسماء ومراجع. حسيت إني بقلب في أرشيف حي، مش مجرد كتاب.

● الصور كانت نقطة قوة جدًا خلتني أحس إن التاريخ بيتنفس قدامي. شفت المعابد، المجلات، الناس بملامحهم، وحتى نواديهم وطقوسهم الدينية والدنيوية وربطت المعلومات اكتر في دماغي .

● الغريب إنك ممكن تلاقي نفسك متعاطف معاهم في لحظة، وبترجع تنفر منهم في لحظة تانية. شعور غريب أوي... حبيت ده في أسلوب الكاتبة، إنها ما فرضتش عليك تتعاطف أو تكره، هي عرضت وانت حر تفكر وتحكم.

● بس لما دخلنا في فصل الصهيونية، والـ"صندوق الأزرق" اللي كانوا بيجمعوا فيه فلوسهم عشان "أرض الميعاد"، ومعرفتهم إنهم مهما حبوا مصر، في الآخر هم عندهم وطن تاني في دماغهم... حسيت اني مش طيقاهم خصوصًا لما افتكرت إن منهم جواسيس، ومنهم ناس فضلوا لحد آخر لحظة شايلين كرههم للبلد اللي عاشوا فيها طول عمرهم.

● عرفت لأول مرة إن فيه طوائف يهودية مختلفة، زي الربانيين والقرائين، وعرفت إن القرائين كانوا الأقرب لينا، والأقل استجابة للصهيونية، وده زاد فضولي إني أقرأ أكتر عنهم بعد كده.

الكتاب ده رحلة حقيقية، مش سهلة، ومش خفيفة، بس● ضرورية جدًا لأي حد مهتم يفهم مش بس تاريخ فئة، لكن تاريخ بلد وأحياء وأفكار لسه بتأثر فينا لحد النهاردة.

أنا بدأت الكتاب وكنت شخص، وخلصته وأنا شخص تاني، بفكر بشكل مختلف، وببص لتاريخ بلدي من زاوية عمرها ما كانت في بالي.

شايفه انه كنز في اي مكتبة ويستحق القراءه ثاني وثالث .

ومحتاج وقت وتاني في قرائته عشان تستمتع معاه .

●: الاقتباسات

- "من العدل أن يقتل اليهودي كل أُمَمي "غير اليهودي" لأنه بذلك يقرب قربانًا إلى الله ويكافأ بالخلود في الفردوس وللإقامة هناك أما من يقتل يهوديًا فكأنما قتل العالم أجمع".

-❞ "اليهودي هو يهودي أولًا وبعد ذلك يمكن أن يكون أي شيء كأن يكون يهوديًا فرنسيًا أو يهوديًا أمريكيًا أو يهوديًا روسيًا، ومهما تنقل من جنسية إلى جنسية فهو أولًا يهودي وكذلك لو تنقل من دين إلى دين فلو اعتنق المسيحية فهو يهودي مسيحي". ❝