آفة القتلة المُتسلسلين الآخرين «النَّسَق المتكرر».. هناك من يقتل الشقراوات، فيلفت النظر إلى النسق، هناك من يختار العجائز أو الأطفال.

النسق هو من يتيح للشرطة الربط بين الجرائم ومراقبة المُستهدَفين.. أما أنا، فلا نَسَق لي، ولا سلاح مفضل، ولا مكان محدد، ولا دافع واضح.

أنا من سيُخضع العالم لقوة القتل والألم، قوة الغريزة المقدسة المُنكَرة..قوة الجريمة الكاملة.

لكني بعدُ أحلم بما هو أكثر؛ بالجريمة المثالية!! متى أستطيع تحقيقها دون أن أتدخل أو أخاطر بنفسي؟

📜 تبدأ الرواية مع يحيي بطل الحكاية بأحلامه والروىء اللي بيشوف فيها اشخاص بيبعتوا ليه نداء استغاثة ومريم النص الغامض في الحكاية والسادي.

القدرات الخارفة اوقات بتكون لعنة واوقات بتكون نعمة.. وعلي ما قد ما بنفرح بيها وانها بتميز الشخص علي قد ما هي مُخيفة ومرعبة.. تخيل لو بإمكانك ترجع للماضي او تطلع للمستقبل عشان تغير حقيقة أو قدر إنسان أو تتدخل في موقف عشان ميحصلش الشيء اللي هيحصل ليه.. فبدل ما تنقذه من إنه يكون ضحية بيتحول لقاتل.. من مفعول به لفاعل.. هتسأل نفسك وقتها هل كان تدخل صح ولا يارتني سبت الأمور تمشي بقدرها من أصعب المواقف اللي حسيتها لما سأل يحيي نفسه هل كل صح اللي عمله او لأ وإنه ياريته ما إدخل من أصله

كلنا كبشر بطبيعتنا بيبقي جوانا حتت اننا نرجع مثلا للماضي عشان نتصرف بطريقة معينة عشان ننقذ موقف مرينا بيه او يحصل شيء أفضل من اللي حصلنا.

بس مهما تدخلنا بيبقي جوانا صوت بيقول انه يارتنا ما تدخلنا في اي حاجة

الرواية ممتعة ومثيرة لآخر نفس ومينفعش تبدأ فيها من غير ما تخلصها ومتحمسة جداً أعرف اللي حصل في الجزء التاني

مش هحرق الأحداث بس الرواية عبقرية في الأحداث وربط الأشخاص وكلها مفاجآت 😎

#شيرين_هنائي

#تحدي_مايو

#فنجان_قهوة_وكتاب

#قراءات_صيفية_مع_أبجد_وفنجان_قهوة