بقالي شهرين بجازف وأختار أي رواية أقرأها من باب إكتشاف قلم جديد يستحق المتابعة
بدأت أقرأ رواية التابع وأنا فكراها أدب رعب؛ وده طبعا من الغلاف بتاعها
لكن الحقيقة إتفاجئت جدًا
الرواية بعيدة جدًا عن أدب الرعب، وحقيقي صعب تصنيفها
هيا مزيج من الفلسفة على جزء خيالي وجزء روحاني وفيها جزء كبير نفسي.. وخروج عن العادة و المألوف، ده غير السرد اللي خطفني الحقيقة.. أقل ما يقال عن سرد الرواية إنه وااااااو
حبيتها جدًا الحقيقة وإندهشت من عظمتها؛ بقالي فترة كبيرة مقرأتش لقلم جديد بالشغف ده..
من بعد رواية معزوفة العطش ملقتش قلم جديد يشدني كده وده في حد ذاته حاجة عظيمة
وإنبسطت أكتر لما عرفت ان الكاتب له أعمال كتير بس انا اللي مكنتش أعرفه..
غالبًا الفترة الجاية هقرأ كل أعماله وأتمنى تكون في عظمة الرواية دي
كنت ناوية أكتب ريفيو طويل بس حسيت إنه لازم أطلع اللي قلبي زي ما هو من غير تكلف..