لما سمعت ان عز الدين فيشر منزل رواية انشكحت اخر انشكاح وابتسمت اكتر لما عرفت ان اسمها "كل هذا الهراء" حقيقي اسم معبر للزمن الي احنا عايشين فيه.. عشان كده مكانتش مفاجأة لما ابتديت قرايتها بعد ما جبتها من معرض الكتاب علي طول.. خلونا نبتدي:

اسلوب السرد واللغة: الحقيقة زي ما قلت دايما انا بحب اسلوب القصص المتنتورة هنا وهناك الي بيجمعهم حاجة موحدة وديه حاجة من الحاجات الي كانت لطيفة في الكتاب.. طريقة الحكاية والظروف المحيطة بيه الي هما اتنين قاعدين بيتكلموا واحد بيحكي والتاني بيسمع كانت ظريفة..

بالأضافة طبعا لحبي للأسلوب المؤلف وطريقته الي دمها خفيف في الحكي وده حاجة مش جديدة كونه من مؤلفيني المفضلين..

لحد هنا وخلصت الحاجات الي عجبتني في الكتاب.. مشكلتي الاساسية مع الكتاب هو ان في القصص الكتيرة الي اتحكت مجرد ما الحاكي كان بيبتدي يحكي انا كنت بخمن هو هيتكلم علي انهي حدث يعني مثلا 2 فبراير 2011 يبقي موقعة الجمل.. يوليو 2013 يبقي رابعة.. حتي مع انتماء بعض الشخصيات وطبيعتهم.. الالتراس يبقي احداث بورسعيد.. مدافعة عن حقوق التحرش يبقي الاعتدائات في الميدان.. الخ.. مجرد ما عرفت التيمة ان الرواية بتغطي احداث معينة بقيت عارفة القصص هتروح فين.. حد هيتسجن، حد هيغتصب، حد هيموت حد هيتعذب وخلافه..

ده بالنسبة ليا كان حاجة قاتلة اه انا بحب الادب الواقعي لكن ده ميمنعش تماماً اني اصلا هربانة من الواقع وعايزة تجديد.. عايز مفاجأة، عايزة حاجة مختلفة عن الباكبورت الي انا شايفاه وحاساه وعايشة فيه كل يوم.. ده الي مع الأسف الراوية معرفتش تديهولي..

بس ده ميمنعش اني استمتعت بأسلوب السرد والمناوشات ما بين الحاكي والسامع..وان فعلا.. الأيام الخرا فايدتها النوم

سو ريفية لرواية كل هذا الهراء 2 من 5