بنبدء العمل بقصة نمطية جدا.. أب (زوج) بيسيب بيته و أولاده و (زوجته) بسبب عشيقة أخري بغرض الحرية و التعبير عن المشاعر و عدم كبتها..
بنشوف طول الأحداث نتجية دا علي كل من الزوجة و الأولاد ( بنت ) و (ولد)....
ممكن بقرأتك للنبذة دي تقول ايه يعم دا.. ايه الجديد في العمل عشان أقراه؟؟!!
بس انا بقا هقولك لا.. دا عمل يستحق القراءة.. مش عشان الفكرة جديدة ولا مبتكرة، إطلاقاً بل انك ممكن تخمن الاحداث كلها...
بس العمل يستحق القراءة عشان طريقة التناول و سرد الأحدااث👌👌
مبدئياً لغة العمل (((الترجمة))) كانت كويسة جدا بلغة عربية جميلة و حافظت علي روح النص... مع حوار فصحي بالطبع🤷♂️
من ضمن أسباب ان العمل دا يستحق القراءة زي ما قلت طريقة سرد الأحداث.. عن طريق لسان كل شخصية بالمنظور الأول
يعني الأم فصل لوحدها و تسرد احداث خيانة زوجها لها و ما سببه ذلك في خراب بيت و نفسية و اولاد
نفس الكلام فصل للأب لوحده بيسرد فيه سبب خيانته...إلخ و كذالك الأولاد طبعااا
ف انت شفت كل فرد في الأسرة الأحداث من وجة نظره و دا ساعد علي تعدد المبررات و الانفعالات النفسية، و ما تركته الخيانة في نفس كل فرد في الأسرة
و إثبات نظرية انك بخيانتك لزوجتك.. انت مش بتهد شخص واحد الي هي الزوجة.. بل انت بتهد كيان.. بتهد أسرة و بيت كامل بالمعني الحرفي للكلمة 💔
العمل دا برده يُدرس في طريقة وصف الأنفعالات النفسية للأشخاص... و وضع نظريات كتير من علم النفس.. تدمير النفس البشرية يا جماعة معمول كويس جداااا في العمل دا!!
و احساس الندم في وقت معدش ينفع فيه الندم، حتي بعد مرور سنين مازال الجرح بينزف
قد يتضح لك ان الحياة رجعت تاني لطبيعتها ولكنها حياة ((بلا روح))...
فصول الاولاد... من اقوي الفصول المؤلمة، فقدانهم لأحساس الأسرة و الترابط الدموي الي بينهم ككيان واحد تمزق
فعلا كان واقعي جدا
الرواية جميلة و بالرغم زي ما وضحت نمطية الفكرة الا ان التناول كان فوق الممتاز.. و إظهار الآلم النفسي رهيب
لو في شيء يعيب الرواية يمكن بعض الإسهاب و الملل في بعض الأجزاء ولكن كانت مش كتيرة.
انصح به بكل تأكيد.♥️