دليل جدتي لقتل الاوغاد

ديه رابع رواية اقرأها لميرنا المهدي بعد مشاركتها المتميزة في سلسلة بوابات الجحيم و سلسلتها الي تعتبر واحدة من السلاسل القريبة من قلبي بشكل لا يوصف تحقيقات نوح الالفي ( بصراحة كنت مبسوطة بظهور نوح و قطر في الرواية شخصياً بتعجبني اوي فكرة أن الكاتبة أو الكاتب يبنوا عالم روائي خاص بيهم )

بداية كده الرواية ممكن تكون صادمة لناس كتير و بتتعرض بشكل صريح و شجاع لقضايا زي الاغتصاب الزوجي و العنف الجنسي و التحرش الجنسي و اغتصاب النساء و أخيراً القضية المسكوت عنها و الي هي طبعاً تعرض شباب و اطفال ذكور للاغتصاب و التحرش الجنسي ده غير طبعاً تطرقها للذكورية السامة بكذا شكل سواء من خلال شخصيات ثانوية عابرة أو من خلال شخصيات رئيسية زي شخصية بهيج و شخصية منتصر ، الرواية أثرت فيا بشدة للأمانة حتي و انا متوقعة من الفصول الأولي أن بهيج هيعمل كده إلا أن ده ممنعش و لو بشكل ضئيل هذا الكم الهائل من الألم و الغضب الي حسيته و انا يقرأ الفصل الي عمل فيه بهيج جريمته في عيسي قلبي وجعني فعلاً و تصاعد تعاطفي و غضبي بعد ما عيسي فاق و ادرك الي حصل القهر الي حصله و رد فعله امه و الرد الفعل المتوقع لابوه و أخيراً محاولة انتحاره مهداش من احساسي بالغضب ده شوية غير رد الفعل المتوقع لكل من نصرة و بتول و مريم ، و مساندتهم المتوقعة برده لعيسي في سعيه أنه يأخذ حقه و طبعاً ظهور قطز و ابداءه رد الفعل المتوقع مع أي ضحية بتتعرض لجريمة بشعة زي ديه سواء رجل أو امرأة و هو التعاطف و الدعم و مساعدتهم علي اخذ حقوقهم من المعتدين بس رغم كده متوقعتش الصحوة المتأخرة لصابرين صابرين الي عانت لسنين طويلة من زوج بيتسلح بذكورية سامة و هشة قوامها الجبن الجبن الي خلاها مقدرش يدافع عن عياله و مراته و ياخد حقوقهم بل بيكون اول واحد يلومهم ، حبيت شخصية عيسي جدا و تعاطفت معاها و بشوفه رجل حقيقي مش شبه رجل زي والده و اعجبت اكتر بشجاعته و اختياره أنه يبلغ رغم علمه برد الفعل المتوقع من المجتمع ، و اعجبت بالجدة نصرة قوتها و بسالتها و شجاعتها شخصية فريدة جدا كذلك اعجبت بشخصية بتول الي بالرغم من كل شيئ ظلت صامدة و زرعت في اخوها مبادئ ساهمت بشكل كبير في جعله شخصية رائعة بالنسبة ليا ، اعجبني جدا تطرق الرواية للاغتصاب الجنسي علي أنه لا يفرق في شيئ عن الاغتصاب و عجبني إدراك مريم لده حتي و الدكتورة سناء بتحاول تقنعها بعكسه ، رواية بالنسبة ليا تستحق خمس نجوم و في انتظار جزء جديد لواحدة السلاسل المفضلة ليا تحقيقات نوح الالفي