اولا انا من عشاق نوح الألفي و حبيت جدااا الجزء الأول و كنت مستني الجزء التاني بفارغ الصبر.. بل و منتظر من ميرنا اجزاء و تبقي سلسلة كل جزء بمغامرة جديدة و قضايا مختلفة
ف انا مبسوط جدا بالخطوة دي.. أي إن كانت النتيجة💙💙
الرواية بتبدء بجثة ك العادة في فندق شهير حب نوح انه يقضي فيه وقت ممتع.. و من هنا كانت البداية للتحقيقات و حل الالغاز
الرواية ممتعة.. مسلية.. و كل حاجة، بس انا حبيت الجزء الاول اكتر
من إجابيات الرواية عامل التشويق و غموض المعلومات و كشفها ف الوقت المناسب.. خلي القارء عايز يكمل العمل.. و انا فعلا مكنتش عارف اسيب الكتاب من ايدي بالرغم اني بقراه بليل و بيكون عليا جامعة الصبح😂😂🤷
طبعا.. طبعاااا التوليفة الجميلة الي بين نوح و قطز عظيمة يا جماعة.. و بجد انا الكيمياء الي بينهم و قفشاتهم طول الرواية.. الي كان فعلا معظمهم بيضحك..
الرواية فعلا بالرغم من كونها رواية جريمة بس مش سودوية اوي و طاغي عليها طابع كوميدي و ((رومانسي)) و لازم اقول ان الجانب الرومانسي مش قليل و حقيقي جمييل مش محن فارغ👌👌💪🔥
عجبني ان الجزء يبقي في جريمة واحدة نحقق فيها مش كذا جريمة زي الحزء الاول👌
لغة السرد قوية و مناسبة لاجواء العمل.. بس الحوار كان طاغي علي السرد بصراحة و دا شيء مزعج.. لان في فقر شوية في وصف الاماكن علي عكس الشخصيات الي أتقدمت كويس.. بس كان لازم الحوار يقل لانه كمان بالعامية ف دا بيضعف الهيكل الدرامي للعمل.. بس هو لايق علي الرواية انه يبقي بالعامية
النهاية.. كانت مُرضية بس اتكروتت شوية في الاخر و علي شكل حواار في كانت مش احلي حاجة😞
اخيرا اتبسط جداا و حبيت العمل بس حبيت الاول اكتر🙄
و مستني اجزاء كتييير من قضايا نوح الالفي و قطز المحمدي و مغامرات غامضة🔥👌💪♥️♥️♥️♥️♥️♥️♥️