#رحلات2022

#جسور_مقاطعة_ماديسون

رواية رومانسية بديعة، بتناقش قضية مهمة ف حياة أي ست، الصراع بين الواجب والشغف أو المشاعر، إزاي ممكن حياة الإنسان تتغير ف لحظة، بصدفة غريبة جدا

إزاي الإنسان يكون عايش طول حياته وشايف إن الأمور مستقرة وإنه شخص سعيد وراضي جداً، وف لحظة واحدة بيكتشف إنه عمره م حس إنه عايش، وإن اللي بيحس بيه ناحية شريك حياته لا يمكن يكون حب

إزاي ان فيه ناس كتير بتعيش من غير متحس إنها عايشة فعلاً، وبتحس دة لما تلاقي نصها التاني بالمعنى الحرفي

والواجب اللي بيحكم الانسان وبيمنعه من تحقيق رغبة وحيدة، وإن كانت حلم حياته

رواية بديعة، بترجمة ممتازة، ولغة شاعرية، ووصف مبهر لكل المشاعر والمشاهد، نهاية غير متوقعة وقوية ف نفس الوقت

مشفتش الفيلم لحد اللحظة، ولكنه بالتأكيد على الخطة

#الكتاب_رقم42

#رواية_بديعة

#قراءات_أبجد

42/120

3-مايو