خلى بالك من جيرانك 👀
ودايما بابك يبقى موارب 🚪
مش مفتوح للى داخل 🚶♀️واللى خارج 🚶🏼
مش بيقولوا البيوت اسرار 🏘🔐
خلى اسرارك لذاتك مش لازم تمسك مذياع 📣📣وتمشى تقول لهنا👇🏻وهناك 👈🏻
على مشاكل الاولاد 👧🏼🧑🏼🦱
والزوج اللى بيشخر 💤وهو بينام 😴
والمدام اللى طبيخها 🍲مش تمام ❎
النصيحة اللى بتدور عليها لما تلجأ لصديق أو صديقة
فى وقت الازمة هتبقى فضيحة واحتمال تتمسك عليك…
اتعلمنا اه أن الجيران لبعضيهم
بس فى الرواية ديه هما على بعضيهم 🤭
أحضان 🫂 وعزومات وسهرة عشا وقت الاجازات
وبيتى هو بيتك يا مان وادى كمان المفتاح 🔑
ولادهم اخوات بس ميمنعش أن فيه منافسات وغيرة وأمراض ومقارنات 🙄
حالها افضل من حالى
جوزها بيحبها وجوزى بيستعمانى
ديه الاجمل فى الحفلات 👩🏻🦰
ودايما العين 👀عليها ما هى فاضية ومعندهاش ولاد ولا مسؤليات 💅
وده اللى مراته شايلة الليلة وهو مقضيها مع ام عيون جميلة اصل المدام مبقاش فى الدماغ غير الاولاد🤷♀️
فحقى ابص على الجيران💁🏻
حى كامل مليان أمراض … و الظاهر أنهم أعز أصحاب لحد ما تختفى ست حلويات " أماندا " 👩🏻🦰اللى مجننا الحى والجيران بشياكتها وجمالها ودلالها ديه كمان
هربت من جوزها اصل بيقولوا دمه حامى 🌶…
لا هو حاجة تانية بس مش هعرف اقولها ♉️ واسكت يا لسانى 🤫
ولا يمكن اتقتلت 🔪ما هو جوزها بقرون 🐃 و مايمنعش أنه مجنون برضه 🤪
كله شك فى " روبرت بيرس " والعين كلها عليه…
بس اللى محدش يعرفه أن ابن الجيران 🧑🏻🦱اللى هنا قصادى كان غاوى يدخل بيوت 🏘الجيران ويفتح فى الابواب 🚪ويعرف اللى مستخبى فى التليفونات 📱وورا الشاشات 💻
وبسسسسس هتتعك على دماغ الحى كله ومحدش هيعرف يبص فى وش التانى سنين قدام
حقيقى رواية ممتعة لأقصى درجة 👌🏻
هى مش مجرد جريمة هتبقى عايزة تحلها لا هى درامية فى نفسها
📌 اتكلمت عن علاقات الاهل بالاولاد وازاى بيتورطوا بسببهم فى مشاكل ملهاش حصر ولا اسباب لمجرد انهم فى سن الشباب
وما بين ادارى على ولادى ولا افضحهم عند دادى 🤭
📌نيجى لدرس تانى هو البيوت اللى اسرارها بقيت شات 💬الشلة ونماية 🗣 السهرة اللى بنتلم نتكلم فيها
مش كل حاجة تتحكى ولا تتقال فى ناس ممكن تستغل ابسط الاشياء وتدبسك وتوقعك فى الغلط كمان
📌درس كمان متأمنش لحد يا علي 😂 وانتوا اكيد عارفين الباقى …"بصوت هنيدى"
بجد الرواية رهيبة والنهاية فاجئتنى خمنت جزء منها بس الجزء التانى كان صعب عليا جدااا وبالرغم انى فرهدت مع المحققين فى معرفة مين اللى عمل ايه فى مين بس استمتعت وعيطت فى الآخر لان النهاية وجعتنى قوى 🤦🏼♀️🤦🏼♀️ واللى شال الشيلة أبعد واحد عن العين
بس هموت واعرف التليفون راح فين هو الواد
"رالى "عملها تانى ولا ايه ⁉️
#مكتبة_دنيا
#قراءات_٢٠٢٢